Otto IV an Impalaeriezh santel

Otto IV an Impalaerezh santel, anvet Otto Braunschweig ivez (Braunschweig ?, 1175 pe 1176 – Harzburg, 19 Mae 1218) a oa niz da Richarzh Kalon-Leon, a roas Poatev hag Akitania dezhañ. Otto a zaskoras an div vro dezhañ e 1198, pa voe dilennet da roue ar Romaned.
E 1209 e voe kurunennet evel Impalaer santel gant ar pab Inosant III.

Hag eñ impalaer eus tierniezh ar Welfed e renas war-lerc'h Herri VI an Impalaeriezh Santel, eus tiegezh Hohenstaufen, marvet en 1197, gant ur mab re vihan da ren evit neuze, Friedich II. Otto a gasas un hir a vrezel evit ar gurunenn a-enep eontr Friedrich, Fulup Swabia, ha ne c'hallas ren ervat nemet goude drouklazhet Fulup e 1208, betek 1211, pa voe ezkumunuget gant ar pab abalamour ma klaske teurel e zorn war rouantelezh Sikilia.