O-Zone

O-Zone
Bro orin	Moldavia
Doare(où)	pop, dance
Bloavezhioù oberiant	1997 - 2005
Label(ioù)	Universal Music (Bed) Avex Trax (Japan)
Lec'hienn ofisiel	Lec'hien ofisiel en Alamaneg

Izili	Dan Bălan Radu Sârbu Arsenie Toderaş
Izili bet er strollad	Petru Jelihovschi († 2012)
kemmañ

O-Zone a zo ur strollad sonerezh pop dance eus Moldavia, tri Roumanad a zo ennañ (Dan Bălan, Radu Sârbu hag Arsenie Toderaş). Abaoe 2004 eo brudet dre ar bed, en arbenn d'ar ganaouenn Dragostea Din Tei (Karantez dindan ur wezenn-dilh). Brudet eo bet an ton-se gant videoioù lakaet war internet, en o zouez hini Gary Brolsma, ur c'hrenard amerikan a 19 bloaz. Dragostea din tei a zo ur ganaouenn gant leun a yezhoù disheñvel enni.Berzh e ra e Amerika ar Su, er c'humuniezhioù gay dreist-holl, hag e Sina ar c'hôrnog.

Ar strollad O-Zone a gemeras perzh en Nouvelle Star eus Romania e 2004, met kollet o deus pa oant er c'hardgourfenn. Dispartiañ a ra ar strollad e fin 2004.

Arsenie Toderaş a gendalc'h e unan dindan an anv-pluenn Arsenium, dileuriet en deus Moldavia e kenstivadeg Eurovision e 2006 gant Natalia Gordienko ha Connect-R, o kanañ Loca. Erruout a ra en 20vet plas gant 22 poent, dirak Bro-Sagn gant ar strollad Las Ketchup hag ar Rouantelezh Unanet gant Daz Sampson.
Kenderc'hel a ra ivez Radu Sarbu da ganañ e unan (gant an anv RadU). Dan Balan a gendalc'h eñ gant ur raktres rock gant ar strollad Balan, ha goude gant ur raktres pop Crazy Loop. E 2008 e vez adkanet Dragostea Din Tei gant ar c'haner amerikan T.I. ha Rihanna, dindan ur stumm Hip Hop, anvet eo ar ganaouenn nevez "Live your life", En eil plas ar singles e voe e SUA.