Mossos d'Esquadra

Eus Wikipedia
Mont da : merdeiñ, klask
Logo ar Mossos d'Esquadra.

Ar Mossos d'Esquadra (e katalaneg : Policia de la Generalitat de Catalunya-Mossos d'Esquadra), da lavaret eo gwazourien ar skouadron, gwazed ar bagad, zo polis emren Katalonia. Krouet e oa bet e 1983 diwar un hengoun eus ar XVIIIvet kantved.

Istor[kemmañ | kemmañ ar vammenn]

E 1718 e oa bet sinet gant gouarnour Tarragona un dekred en doa krouet an Escuadras de Paisanos (bagadoù peizanted), hendadoù ar Mossos d'Esquadra.

Adkrouet e oa bet ar Mossos d'ar 14 a viz Gouere 1983 gant gouarnamant emren Katalonia hag abaoe ez eus bet roet kefridioù ouzhpenn dezho tamm-ha-tamm. Etre 1994 ha 2008 o deus erlec'hiet tamm ha tamm polis Spagn (Guardia Civil ha polis broadel) evit an holl gefridioù nemet ar stourm a-enep ar sponterezh ha merañ an enbroidi.

E 2016 e oa 21 000 a boliserien hag ofiserien polis-barn.

En arvar emañ ar Mossos abaoe miz Here 2017, daoust d'o emzalc'h skoueriek goude gwalldaol Barcelona e miz Eost eus ar memes bloaz. O fenn, Josep Lluís Trapero Álvarez, zo bet tamallet dezhañ gant justis Spagn chom hep bezañ graet trawalc'h evit mirout ouzh an dud da votiñ e referendom Here 2017 ha chom hep bezañ sikouret poliserien ar Guardia Civil a oa stanket gant manifesterien. Tamallet eo a zispac'had gant ar varnerien met chomet eo dieub evit c'hoazh. Gwelet e vez ar Mossos evel un nerzh a-du gant an dizalc'hidigezh gant ar vrasañ lodenn eus politikerien ha kazetennoù Spagn ha neuze ez eus galvoù evit digreskiñ o fouez e sistem justis Spagn.

Aozadur[kemmañ | kemmañ ar vammenn]

Renkoù Mossos d'Esquadra
Renk Mosso Caporal Sergent Sotsinspector Inspector Intendent Comissari Major
Arouez Sense galons.gif Galons de caporal.gif Sergent.gif Sotsinspector.gif Inspector.gif Intendent.gif Comissari.png Major (Mossos d'Esquadra).gif

Setu aozadur ar Mossos d'Esquadra :

  • penngomiser (major) ;
  • komiser (comissari) ;
  • pennenseller (intendent) ;
  • enseller (inspector) ;
  • izenseller (sotsinspector) ;
  • sarjant (sergent) ;
  • korporal (caporal) ;
  • ezel (mosso).