Mont-Terrible
Mont-Terrible a oa anv un departamant gall e Suis da vare an Impalaeriezh c'hall kentañ. Porrentruy e oa ar pennlec'h anezhañ.
An anv[kemmañ | kemmañ ar vammenn]
Dont a ra an anv eus ar Mont-Terri, pe Pultberg en alamaneg, ur menez 804 metr a uhelder dezhañ, e kanton Jura e Suis.
Istor[kemmañ | kemmañ ar vammenn]
Krouet e voe e 1793 pa voe staget ouzh Bro-C'hall ar République rauracienne, savet e 1792 diwar ul lodenn eus eskopti Basel.
E 1797, e voe distaget priñselezh kozh Montbéliard diouzh departamant gall an Haute-Saône evit he stagañ outi.
Diskaret e voe an departamant e 1800, ha staget ouzh an Haut-Rhin, e stumm daou arondisamant, re Delémont ha Porrentruy.
E 1815 e voe rannet an douaroù anezhañ:
- priñselezh Montbéliard a yeas gant departamant gall an Doubs
- ar peurrest a yeas gant Bro-Suis d'ober ul lodenn eus kanton Bern.