Maner Kerenneur

maner
Stad	Frañs
E tiriad	Plourin-Gwitalmeze
Daveennoù douaroniel	48°30′48″N 4°44′45″W
Statud gladel	monumant istorel enskrivet
Chomlec'h	Kerenneur

Maner Kerenneur zo ur maner eus ar XV^vet, XV^vet ha XVI^vet kantved e Plourin-Gwitalmeze, e Bro-Leon, e Penn-ar-Bed.

Savet e oa bet ar maner er penn kentañ dre abegoù milourel evel gedva (gallout a reer gwelet ar mor hag an trowardroioù diouzh moger greñv an antre) ; chom a ra hiriv ur foz a veze leuniet gant dour e tu an talbenn norzh.

Savet e oa bet gant Hamon Kergadiou e-tro ar bloaz 1400, nebeut goude Brezel hêrezh dugelezh Breizh. Al lodenn goshañ (tu kleiz an talbenn su) a voe savet etre 1400 ha 1450. Al lodenn all (tu dehou an talbenn su gant an daou lukan) a oa bet savet etre 1540 ha 1550 da vare eured Mari Kergadiou gant Frañsez Kersaozon.

Evel e kalz manerioù e oa, stag ouzh ar maner, ur chapel (lec'h e voe graet eured Mari Kergadiou gant Frañsez Kersaozon) distrujet er XVIIvet kantved, ur c'houldri (distrujet er XXvet kantved) ha div lenn.

Abaoe 1977 emañ war roll ar monumantoù istorel.

Digor ar porzh ha lodenn goshañ an talbenn su
Talbenn su gant an daou lukan
Talbenn norzh
Skalier
Skalier ha sel ar pondalez