Malala Yousafzai

Malala Yousafzai (ملاله یوسفزۍ e pachtoueg) (ganet d'an 12 a viz Gouere 1997) zo ur plac'h yaouank eus Pakistan a stourm evit gwirioù ar merc'hed en he bro, ha dreist-holl evit ar gwir dezho da vont d'ar skol. Hi eo ar yaouankañ den biskoazh en deus bet Priz Nobel ar Peoc'h.

Brud

E 2009 he doa savet ur blog ma skrive pegen diaes e oa he buhez dindan gwask an Dalibaned e Traoñienn Swat e Pakistan^[1] D'an 9 a viz Here 2012 e voe gloazet en he fenn pa voe tennet warni gant un Taliban.^[2] Graet e voe war he zro en un ospital e Birmingham, e Bro-Saoz, hag a-benn miz Meurzh 2013 e c'hallas mont d'ar skol en-dro, met e Birmingham ar wech-se.^[3].

Garedonoù

D'an 12 a viz Gouere 2013 e reas Malala Yousafzai ur brezegenn e sez Aozadur ar Broadoù Unanet ma c'houlenne ar frankiz da vont d'ar skol evit an holl, hag e miz Gwengolo 2013 e voe graet digoradur ofisiel Levraoueg Birmingham ganti^[4]. Hi eo an den yaouankañ biskoazh en deus bet ar Priz Sakharov, e 2013. E meur a vro all (Sveden, Kanada...) eo bet enoret e meur a zoare.

"Devezh Malala" a vez lidet d'an 10 a viz Du gant Aozadur ar Broadoù Unanet^[5] E miz Here 2014 en deus divizet poellgor Priz Nobel ar Peoc'h reiñ Priz 2014 dezhi ha da g-Kailash Satyarthi, ur stourmer evit gwirioù ar vugale ivez.^[6].

Levrlennadur

Malala – Droed ar merc’hed da gaout deskadurezh (levr-CD), TES, 2016.

Notennoù

↑ Diary of a Pakistani schoolgirl, BBC, 19 a viz Genver 2009
↑ Malala Yousafzai: Pakistan Taliban causes revulsion by shooting girl who spoke out, The Guardian, 10 a viz Here 2012
↑ Malala Yousafzai attends first day at Edgbaston High School in Birmingham, BBC, 19 a viz Meurzh 2013
↑ Teen school advocate opens English library, Star Tribune, 4 a viz Gwengolo 2013
↑ World celebrates November 10 as 'Malala Day', UN chief extends support, The Times of India, 10 a viz Du 2012
↑ Le prix Nobel de la paix à Malala Yousafzai et Kailash Satyarthi, Le Monde, 10/10/2014

[1] Diary of a Pakistani schoolgirl, BBC, 19 a viz Genver 2009

[2] Malala Yousafzai: Pakistan Taliban causes revulsion by shooting girl who spoke out, The Guardian, 10 a viz Here 2012

[3] Malala Yousafzai attends first day at Edgbaston High School in Birmingham, BBC, 19 a viz Meurzh 2013

[4] Teen school advocate opens English library, Star Tribune, 4 a viz Gwengolo 2013

[5] World celebrates November 10 as 'Malala Day', UN chief extends support, The Times of India, 10 a viz Du 2012

[6] Le prix Nobel de la paix à Malala Yousafzai et Kailash Satyarthi, Le Monde, 10/10/2014

[1]

[2]

[3]

[4]

[5]

[6]