Magister militum

Eus Wikipedia
Mont da : merdeiñ, klask
Banniel lu an Impalariezh roman

Magister militum (latin evit "Mestr ar Soudarded", liester magistri militum) a oa ur renk uhel e lu an Impalaeriezh roman uhel.
War e seblant e voe kroget da implij an titl e-kerzh ren Constantinus. Gant ar magister militum e oa galloudoù ar magister equitum (mestr ar varc'hegiezh) ha re ar magister peditum (mestr an droadegiezh).

Ar magister utriusque militiae a rae war-dro an holl nerzhioù lu hag an impalaer a chome e-karg eus ar bagadoù lu nepell diouzh Roma ; magister militum praesentales a raed anezhañ neuze.

Implijet e-unan, ar ger a dalveze d'ober anv eus an ofiserien a renk uhel koulz hag eus penn un oberiadur-brezel en ur c'horn-bro, an impalaer o vezañ ar penn uhelañ. Er skridoù gresianek e kaver an troiennoù strategos ha stratelates.

Rmn-mil-cmd-strct-4.png
Aozadur orin al Lu Roman diwezhat, gant ar magister equitum hag ar magister peditum ;
a-us dezho emañ ar magister militum.
West Roman army command structure.svg
Aozadur uhelañ al lu kornôgel etre 410–425, savet adal ditouroù an Notitia Dignitatum