Mézidon-Canon


Kumunioù Bro-C'hall
Anv	Mézidon-Canon
Skoed
Lec'hiadur Mézidon-Canon en Arondisamant Lisieux
Riez	Bro-C'hall
Rannvro	Normandi
Departamant	Calvados
Bro hengounel	Auge
Arondisamant	Lisieux
Etrekumuniezh	Communauté de communes de la Vallée d’Auge
Kanton	Mézidon-Canon (pennlec’h)
Kod INSEE	14431
Kod post	14270
Maer	François Aubey
Amzer-gefridi	2008-2014
Gorread	10,92 km²
Led	49° 04' 25" Norzh
Hed	00° 04' 12" Kornôg
Uhelder kreiz	20 m
Uhelder bihanañ	9 m
Uhelder brasañ	72 m
Poblañs hep kontoù doubl	4 910 (2009)
Stankter	450 a./km²
Lec'hienn ar gumun

Mézidon-Canon a oa ur gumun eus departamant gall Calvados e Bro-C'hall. Pennlec’h Kanton Mézidon-Canon e oa.

Bodet e oa d'ar 1añ a viz Genver 2017 gant trizek kumun all d'ober ur gumun nevez: Mézidon-Vallée-d'Auge.

Istor[kemmañ | kemmañ ar vammenn]

XIX^vet kantved[kemmañ | kemmañ ar vammenn]

E 1831 e voe staget al lodenn vrasañ eus kumun Mirbel (113 annezad) ouzh kumun Mézidon, al lodenn all a voe lakaet e kumun Quétiéville^[1].
1848: staget e voe kumun Le Breuil ouzh kumun Mézidon.

XX^vet kantved[kemmañ | kemmañ ar vammenn]

Eil brezel-bed, Emgann Normandi, 1944:

Bombezadegoù ar Re Gevredet abalamour d'ar porzh-houarn ha d'ar pontoù dreist d'an Dives:
- miz Even: bombezet e voe Mézidon ha Canon d'ar 6 a viz Even hag adarre en noz etre ar 7 hag an 8 a viz Even (div nijerez Boston) gant nijourion c'hall ar Groupe Lorraine^[2]; lazhet e voe un den nann soudard e Canon d'an 9 gant ur vombezadeg^[3]; bombezadegoù adarre da 7 eur 30 d'ar 14 a viz Even, met ur c'hwitadenn e voe: ne voe ket tizhet ar pontoù, met distrujet e voe Le Breuil ha karter an ti-gar, ha 40 den nann-soudard a voe lazhet e Mézidon e-dan un nebeud munutennoù^[1]^[3];
- miz Gouere: d'an 18 e voe lazhet daou zen nann-soudard e Canon ha pevar all e Mézidon gant ur vombezadeg^[3];
- miz Eost: d'an 13 e voe lazhet daou zen nann soudard e Mézidon gant ur vombezadeg^[3].
Emgannoù an Dieubidigezh, miz Eost: d’ar 16 e voe kemeret Saint-Pierre-sur-Dives, bet distrujet gant ar bombezadegoù, gant Skos ar 51vet Rannlu Troadegiezh Highland. Er memes koulz eo tapet Falaise gant Kanadianed ar 6th Infantry Brigade. A-gleiz d’ar Skosiz e ya Saozon an 49vet Rannlu Troadegiezh West Riding war-raok war-zu Mézidon. Daoust d’un enep-tagadenn alaman eo kemeret Canon gant an 49vet Rejimant Anavezadenniñ e dibenn ar beurevezh. Goude merenn eo taget pontoù an Dives gant ar 70vet Brigadenn E fin an abardaevezh emañ ar Vreizhveurizh e rakkerrioù Mézidon. A-hed an noz e tenn ar c’hanolioù alaman eus Mirbel ouzh soudarded ar 1st Battalion Tyneside Scottish. D’ar 17 en em stal pennoù at rejimant skosat e Kastell ar Breuil e Mézidon. Kilañ a ra an 858vet Rejimant Greunadourion alaman^[4].

1972: kendeuzet e voe kumunioù Mézidon ha Canon d’ober kumun Mézidon-Canon.

Ar porzh-houarn[kemmañ | kemmañ ar vammenn]

Ar porzh-hoarn e penn-kentañ an XX^vet kantved
Ar porzh-henchañ

Kerzu 1855: digoret e voe ar porzh-houarn pa voe lakaet e servij al linenn Mantes – Lisieux – Caen gant Kompagnunezh ar C'hornôg.
C'hwevrer 1859: echuet eo al linenn Le Mans-Argentan- Mézidon, liammet eo Mézidon ouzh Le Mans ha Teurgn.
Du 1859: digoret e voe ar skourrad etre Coulibœuf ha Falaise, liammet eo Caen, Mézidon, Coulibœuf ha Falaise.
Even 1879: liammet eo Mézidon ouzh Dives-Cabourg dre Dozulé-Putot gant digoradur kentañ skourrad al linenn Mézidon - Trouville-Deauville.
Kerzu 1881: peurzigoret e voe al linenn Sainte-Gauburge-Le Mesnil-Mauger, liammet eo Mézidon ouzh Sainte-Gauburge dre Le Mesnil-Mauger hag Échauffour^[5].
E 1938 e voe serret div linenn da zezougen ar veajourion:
- al lodenn Mézidon-Dives-Cabourg eus al linenn Mézidon - Trouville-Deauville d'ar 1añ a viz Meurzh;
- al linenn Sainte-Gauburge-Le Mesnil-Mauger d'ar 15 a viz Mae.
E miz Du 1969 e voe paouezet gant an dezougen marc'hadourezh el lodenn Mézidon-Dives-Cabourg eus al linenn Mézidon-Trouville-Deauville; dirummet ha divontet e voe goude^[6].
Div linenn a zalc'h da vont en-dro: Pariz–Caen–Cherbourg ha Caen–Teurgn.

Monumantoù ha traoù heverk[kemmañ | kemmañ ar vammenn]

Kastell ar Breuil e Mézidon
Kastell Canon

Kastell ar Breuil, XVIII^vet kantved.
Kastell Canon, 1779-1786,^[7].
Iliz katolik Sant Pêr e Le Breuil, XII^vet kantved, gant lodennoù ouzhpennet: ur porched er XV^vet kantved ha div chapelig en XVIII^vet kantved; gwallaozet e voe an iliz d'ar 14 a viz Even 1944 gant ur vombezadeg ha kempennet e voe gant an Arzoù-Kaer^[1]^[8].
Iliz katolik Intron-Varia ha Sant Firmin e Mézidon; savet e voe e 1808, dre ma oa bet distrujet abati Santez Barba, ha chapel ar c'hastell a oa re vihan hag en ur stad fall^[1].
Iliz katolik Canon, gant lodennoù eus an XII^vet hag an XIII^vet kantved.
Dismantroù Kastell Béranger, XVII^vet kantved.
Grignol an Deog Abati Santez Barba, XVII^vet kantved^[9].

Douaroniezh[kemmañ | kemmañ ar vammenn]

War lez ar stêr Dives emañ Mézidon-Canon.

Emdroadur ar boblañs 1962-2009[kemmañ | kemmañ ar vammenn]

Niver a annezidi

^[10]

Melestradurezh[kemmañ | kemmañ ar vammenn]

Mare		Anv	Strollad	Karg
Roll maered ar gumun
1971	1983	Henry Delisle	Strollad Sokialour Gall	Kannad
1983	Meurzh 1989	Roger Achard	tu-kleiz, distrollad
1989	Meurzh 1995	Roger Bonnaud	tu-dehou, distrollad
1995	Meurzh 2014	François Aubey	digostezenn, Strollad Radikal an Tu-kleiz da c'houde, Strollad Sokialour Gall bremañ
N'eo ket anavezet c'hoazh an holl fedoù.

Tud[kemmañ | kemmañ ar vammenn]

Gevelliñ[kemmañ | kemmañ ar vammenn]

Liammoù diavaez[kemmañ | kemmañ ar vammenn]

Notennoù ha dave[kemmañ | kemmañ ar vammenn]

[Histoire_de_Mézidon-1] 1,0 ^1,1 ^1,2 ha^1,3 Histoire de Mézidon

[2] Halifax Groupes Lourds Français Squadrons 346 et 347 R.A.F

[crhq.cnrs.fr-3] 3,0 ^3,1 ^3,2 ha^3,3 Mémorial des victimes civiles en Normandie

[4] Normandie 44 - La Mémoire

[5] Train

[6] Train de l'estuaire

[7] Patrimoine de France

[8] Patrimoine de France

[9] Patrimoine de France

[10] EBSSA

[1]

[2]

[3]

[4]

[5]

[6]

[7]

[8]

[9]

[10]