Lucrezia Buti

Eus Wikipedia
Sauter à la navigation Sauter à la recherche
Salome, er murlivadur Buhez Sant Yann Vadezour en iliz-veur Prato, gant Fra Filippo Lippi. Lucrezia Buti e vije bet patrom al livour, hervez an arzistorourien.
Filippo Lippi o tiskleriañ e flammenn d'an dimezell Buti

Lucrezia Buti (Firenze, 1433 pe 1435 - XVIvet kantved) a oa ul leanez italian, deuet da vout pried al livour Fra Filippo Lippi a oa bet manac'h. Mamm e oa d'al livour Filippino Lippi.

He buhez[kemmañ | kemmañ ar vammenn]

Merc'h e oa da Francesco Buti ha Caterina Ciacchi. Mervel a reas he zad war-dro 1450. Lakaet e oa bet neuze, moarvat gant he breur henañ Antonio, deuet da vout penn un tiegezh unnek bugel, e manati Santez-Katelin ar Prato, da vezañ leanez, hag he c'hoar Spinetta evelti. E 1454 e oa deuet da vout leanez.

Er manati, e 1456, e tegouezhas, hervez Giorgio Vasari, gant Fra Filippo Lippi, anvet da aluzener ar gouent. Hennezh a laboure e kêr war stern-aoter ar Madonna dà la Cintola a san Tommaso. Lucrezia Buti eo an hini a servijas da batrom evit ar santez Marc'harid, en dorn kleiz war al livadur orin.

Orgediñ outi a eure Filippo gozh, he skrapañ e-pad prosesion ar Sacra Cintola, hag he degemer en e di. O-daou e oant bet lakaet dre heg da vout menec'h gant o zud, re baour d'o magañ.

Trouz bras a voe e kêr Firenze abalamour d'an darempred etre ar manac'h hag al leanez. Bec'h en doe Lippi gant barnerien Firenze, a felle dezho e gondaoniñ abalamour d'e wallober a veze gwelet evel un torfed bras en amzer-se gant an Iliz: lakaat servijerezed Doue da bec'hiñ a oa un torfed spontus. Hogen harpet e voe gant Cosimo de' Medici a eas d'ar Vatikan da c'houlenn truez outañ digant ar pab Pi II, hag a blegas da c'hoant an arc'hanter gant disammañ Fra Filippo ha Lucrezia eus o gouestloù.

Bevañ a raent en un ti tost d'an iliz-veur, Piazza del Duomo, e Prato, ma veze-eñ oc'h ober ur murlivadur ar chapel vrasañ an iliz. Soñjal a reer eo Lucrezia a servijas da batrom dezhañ da boltrediñ Salome, hag eo hi a weler e taolennoù all c'hoazh, evel al Lippina brudet a weler en Uffizi e Firenze.

En 1458, pa oa oadet a 52 vloaz, e timezas Lippi da Lucrezia, 25 bloaz neuze, hag ur mab dezhi.

He bugale[kemmañ | kemmañ ar vammenn]

Daou vugel he doe:

Lennegezh[kemmañ | kemmañ ar vammenn]

  • Ur varzhoneg saoznek gant Robert Browning anvet 'Fra' Lippo Lippi' ([1])
  • Ur varzhoneg italianek gant Gabriele D'Annunzio (a lavare bezañ 'Il secondo amante di Lucrezia Buti') en e zastumad 'Elettra'[2].

Notennoù[kemmañ | kemmañ ar vammenn]

  1. http://rpo.library.utoronto.ca/poems/fra-lippo-lippi
  2. http://arjelle.altervista.org/Tesine/Irene/dannunziobutielettra.htm

Liammoù diavaez[kemmañ | kemmañ ar vammenn]


Commons
Muioc'h a restroù diwar-benn

a vo kavet e Wikimedia Commons.