Luc'hreüser

Eus Wikipedia
Sauter à la navigation Sauter à la recherche

Al luc'hreüser, evit ar pezh a sell ouzh an dafar bureveg (luc'heilerez, moullerez, pelleiler), a zo ur ruilhenn luc'hgizidik he gorreenn d'enlouc'hañ warni skeudenn an teul e vo moullet dres war-lerc'h.

Ur ruilhenn gant aluminiom eo a vez lakaet warni ur c'horreenn luc'hgizidik produet gant un danvez organel ispisial a vez oc'h ersaviñ gant ar gouloù. Reüs e vez gorreenn ul luc'hreüser pa vez ur gouloù o tont warnañ (deus ul laser evit al luc'heilerezioù niverel pe rag-eeun deus ul lamp halogen evit al luc'heilerezioù kemblac'hel) ha disfu en deñvalijenn.

Er bloavezhioù 80 e vezent produet gant Kadmiom, un danvez saotrus ma'z eus, hag ivez, un maread diwezhatoc'h, gant seleniom.

Luc'hreuser.jpg

Pennreolenn ar mont en dro[kemmañ | kemmañ ar vammenn]

E-pad un treiñ eus ar c'helorn (e-giz-se 'vez graet ivez eus ul luc'hreüser) e vez graet ur c'helc'hiad moullañ. E penn kentañ ar c'helc'hiad e vez arzodet bec'hiadoù tredansavel, o lakaat da tremen un tredan uhelvarr e-barzh un orjalenn e vez graet korona da vec'hiañ anezhi, war gorreenn al luc'hreüser. Da c'houde, e vez kizidiget ar c'horreenn gant ur gouloù a zeu eus ul laser pe ul lamp halogen evel eo bet gwelet a-us. E-mod-se e vez lezet ar bec'hiadoù war al luc'hreüser nemet e-lec'h ma vo arzodet an huz diwezhatoc'h (evit al luc'heizerezioù kemblac'hel) pe er c'hontrol e vo lezet ar bec'hiadoù war ar c'horreenn e-lec'h ma ne vo ket arzodet huz warni (amañ e vez kizidiget ar gorreennoù e-lec'h ma vo arzodet huz warne gant al laser o "skrivañ" war ar c'helorn - pezh vez graet gant luc'heilerezioù pe voullerezioù niverel).


D'an unvez digelañ e vez graet war-lerc'h arzodiñ an huz e-lec'h ma vez red da voullañ an teul. Possubl eo en-abeg ma vez bec'hiet ent tredansavel ar poultrennoù huz en-e-barzh. Peogwir eo tredanvarr ar bec'hiadoù produet gant an unvez digelañ ar ginad eus hini ar bec'hiadoù war ar c'helorn e c'hell neuze ar poultrennoù huz bezañ sachet war-zu al luc'hreüser (un tammig evel tammoùigoù paper sachet war-zu ur reolenn bet frotet war ur vilgin).

Na chom nemet neuze d'arzodiñ an huz war ar skor moullañ, pezh vez graet o lakaat un tredan uhelvarr e-barzh ur c'horona all (ar c'horona treuzkas), pe e-barzh ur ruilh, da sachañ ent dredansavel en-dro an huz war-zu ar skor.