Litus Saxonicum

Litus Saxonicum (="Aod ar Saksoned") a reer eus un hollad kreñvlec'hioù savet a bep tu da Vor Breizh e dibenn an Impalaeriezh Roman. Savet e voe e dibenn an III^e kantved ha renet e oa gant Comes litoris Saxonici (="kont Aod ar Saksoned"). Er IV^e kantved ne rene mui nemet war kreñvlec'hioù Enez Vreizh ("Comes litoris Saxonici per Britanniam"), tra ma oa renerien all e penn ar c'hreñvlec'hioù a oa e Galia. Chom a ra aspadennoù eus meur a greñvlec'h war aod kreisteiz Bro-Saoz.

Anv

• Notitia Dignitatum L₃₆, V₁₃₂ ː (Comes rei militaris) Litoris Saxonici per Britannias
• Notitia Dignitatum XXVIII, XXVIII₁₂ ː Comes Litoris Saxonici per Britanniam

Talvoudegezh ː tabut ez eus etre ar re hag a wel ː an aod evit en emzifenn diouzh (morvleizi) saozon, hag ar re hag a wel ː an aod difennet gant kevridi saozon.

Lec'hiadur

E Breizh-Veur : Setu amañ an nav c'hreñvlec'h a zo meneget en Notitia Dignitatum, en Enez Vreizh, eus an hanternoz d'ar c'hreisteiz :

• Branodunum (Brancaster, e Norfolk)
• Gariannonum (Burgh Castle, e Norfolk)
• Othona (Bradwell-on-Sea, en Essex)
• Regulbium (Reculver, e Kent)
• Rutupiae (Richborough, e Kent)
• Dubris (Dover, e Kent)
• Portus Lemanis (Lympne, e Kent)
• Anderitum (Pevensey, en East Sussex)
• Portus Adurni (Portchester, e Hampshire)

E Galia :