Directoire

Bonreizh ar republik c'hall bloavezh 5 a viz ar Frouezh bloavezh III (22 a viz Eost 1795).

Pennoù ar Bodad-ren gant an unwisk ofisiel

An Directoire ("Bodad-ren") eo an anv a zo bet roet da zoare gouarnamant ar C'hentañ Republik c'hall, dre ma oa 5 rener e penn an traoù. Padet e oa pevar bloaz, eus ar 4 a viz ar Vrumenn bloavezh IV (26 a viz Here 1795) betek an 18 a viz ar Vrumenn bloavezh VIII (9 a viz Du 1799).

Roet e voe lamm dezhañ dre un taol-stad chomet brudet, Taol-stad an 18 a viz ar Vrumenn bloavezh VIII, da reiñ lec'h d'ur stumm gouarn nevez hag aotrouniek, Ren ar Goñsuled, gant ar jeneral Napoleone Buonaparte e penn.

Goude Koñvañsion miz ar Wrez e voe staliet ar Bodad-ren.