Karr-kamm Bras
Ar C'harr-kamm Bras a zo unan eus steredegoù an hantervoul norzh. Hec'h anv skiantel eo Ursa Major (an arzhez vras), berradur UMa. E gwirionez ez a ar C'harr-kamm Bras d'ober ul lodenn hepken eus ar steredeg, al lodenn heverkañ, ar skeudenn graet gant ar seizh steredenn heverkañ, hag anvioù poblek all a zo dezhi: "ar C'harr Bras", ar "C'harr Kamm", "Karr Arzhur", ar "C'hastell Karr-kamm", "ar C'hastell Karr Bras", al "Lost Arar", ar "Seizh Ejen Arat".
Ar stered heverkañ[kemmañ | kemmañ ar vammenn]
Eus an hini skedusañ eus an hini wanañ :
- Dubhe / α UMa
- Merak / β UMa
- Phekda / γ UMa
- Megrez / δ UMa
- Alioth / ε UMa
- Mizar / ζ UMa (a-us dezhi emañ Alcor / 80 UMa, lesanvet "ar Charretour" e brezhoneg)
- Alkaid / η UMa
Traoù oabl[kemmañ | kemmañ ar vammenn]
Ar C'harr-kamm er sevenadur[kemmañ | kemmañ ar vammenn]
Ken brudet eo ar stumm-se treset en oabl-noz ma'z eo bet adkemeret da arouez. Evel da skouer gant ar vroadelourien iwerzhonat, dreist-holl reoù an tu kleiz, pa oa bet kemeret gant James Connolly evit bezañ war banniel an Irish Citizen Army. Kavet e vez ivez war banniel Alaska.
ar Starry Plough — An Camchéachta – iwerzhonat
Banniel Alaska
