Karl XIII

Eus Wikipedia
Karl XIII
Roue Sveden

Karl XIII (1748-1818) a oa ur priñs svedat, Dug Södermanland da gentañ, ha goude-se roue Sveden adalek 1809, ha roue Norge, evel Karl II, adalek 1814 betek e varv e 1818 .


E vuhez[kemmañ | kemmañ ar vammenn]

Eil mab ar roue Adolf Fredrik e oa. E vamm, Lovisa Ulrika, a oa c'hoar da Frederig II Prusia.

E ren[kemmañ | kemmañ ar vammenn]

Ren a reas pa oa bet diskaret e niz Gustav IV Adolf, mab d'e vreur ar roue Gustav III, gant un taol-stad.

Dimeziñ ha bugale[kemmañ | kemmañ ar vammenn]

Dimezet e oa d'ar briñsez Hedvig Elisabet Charlotta av Holstein-Gottorp, hogen bugel ebet n'o doe. Se zo kaoz e voe advabet gante ar jeneral gall Bernadotte.

Ur mab en doa bet a-raok e eured avat, gant e serc'h Augusta von Fersen‎:

Serc'hed all en doa bet ivez: Charlotte Eckermann, Charlotte Slottsberg , Lolotte Forssberg, Mariana Koskull ...

E varv[kemmañ | kemmañ ar vammenn]

Mervel a reas e miz C'hwevrer 1818, e bried a varvas pevar miz goude, e miz Mezheven. Bernadotte a renas war e lerc'h.