Kantik Itron Varia an Danoued

Kantik Itron Varia an Danoued zo ur c'hantik brezhonek bet skrivet gant Bertrand Loyer (1882-1948), bet person Boulvriag e 1924.

Kanet e vez bep bloaz d'ar 15 a viz Eost e-kerzh an oferenn e brezhoneg e Chapel Itron Varia an Danoued da vare ar Pardon.

1

Itron Varia 'n Danoued

O Mamm leun a druez

Ni ho ped, selaouet

Klemmoù ho pugale

2

Dindan ar gwez uhel

Er zaoñenn, hon Tadoù

A savas ur chapel

Gwir vammen ar c'hrasoù

3

Neb a bed ar Vamm vat

Daoulinet ha doujus

A c'honez e vennad

War he c'halon karus

4

Goude barn hon Salver

C'hwi 'vo ouzh hon gortoz

Evit hon digemer

Toull dor ar Baradoz

5

'Vel bremañ ni 'gano

Meulodi d'ar Werc'hez

Mil bennoz d'he anv

Enor d'hon Fatronez.

Selaou

• Cantiques du Trégor, de Haute-Cornouaille et du Goëlo, Anne Auffret, Daniel Le Féon, Loïk le Griguer, CD 1, Coop Breizh, 2007.
• Les plus beaux cantiques de Bretagne, Anne Auffret, Daniel Le Féon, Loïk le Griguer, 3 CD, Coop Breizh, 2013.