Joseph Kasa-Vubu

Eus Wikipedia
Mont da : merdeiñ, klask
Joseph Kasavubu (1962)

Joseph Kasa-Vubu (war-dro 1913 - 24 a viz Meurzh 1969) a oa ur politikour eus Kongo, bet prezidant kentañ ar vro.

Studiañ a reas ar brederouriezh ha mont da gelenner e 1939. E penn ar strollad dizalc'hour ABAKO e voe a-raok mont da brezidant kentañ Republik Kongo d'an 30 a viz Even 1960. Kerkent ha dizalc'h e voe beuzet ar vro en un enkadenn vras, gant emsavioù dizalc'hour e rannvroioù 'zo, evel hini Katanga, hag enebiezh etre Kasa-Vubu hag e vinistr kentañ Patrice Lumumba. D'ar 14 a viz Gwengolo 1960 e voe harzet Lumumba gant Joseph Mobutu. Distroadet e voe Kasa-Vubu d'e dro gant Mobutu d'ar 24 a viz Du 1965.