Joseph Cukierman

Joseph (Józef, Iosif) Cukierman a zo bet ganet e 1899-03-28, nepell eus Białystok (Polonia), ha marvet e Bro-C'hall e 1941.

Mestrc'hoarier echedoù poloniat-gall.

Buhez

Trec'h e voe en eil kampionad Moskov (Unaniezh Soviedel) e 1920-1921. Bevañ a reas e Białystok ; e penn-kentañ ar bloavezhioù 20 e voe trec'h en ur c'hampionad eno. Divroañ a reas evit mont da Vro-C'hall.

E 1928 e voe eilvet-trede a-gevred gant Schwarzmann ha goude Abraham Baratz, e Pariz(Bro-C'hall). E 1929 e voe 5vet-6vet e Pariz(dont a reas ar maout gant Savielly Tartakower). E 1930, Josef Cukierman a drec'has e Pariz, dirak Savielly Tartakower. Cukierman a voe kampion Bro-C'hall e Pariz e 1931. 6vet e voe e Pariz e 1933, Aleksandr Alekhin o vout an hini kentañ. E 1938, Cukierman a voe trede goude José Raúl Capablanca ha Nikolaz Rossolimo e Pariz.

E-pad an Eil brezel bed en em zistrujas e 1941.

Partiennoù dedennus

• Teodor Regedziński a-enep da Józef Cukierman, Varsovia 1926, Difenn Slav, D12, 0-1 ;
• Josef Cukierman a-enep da George Koltanowski, Pariz 1929, Difenn Philidor, Kemmadur Eskemm, C41, 1-0 ;
• Josef Cukierman a-enep da Savielly Tartakower, Pariz 1930, Partienn Indian, Kemmadur Capablanca, A47, 1-0 .