Jehan Brito

Ganet e oa Jehan Brulelou, lesanvet Jehan Brito (Yann ar Breton), e 1415 e Presperieg, e korn-bro Redon. Heuliañ a reas ur stummadur skol-veur en un lec'h dianav.

Mont a reas da Flandrez da chom. Kaerskriver ha skrivagner foran e voe e Tournai er bloavezhioù 1446-1448. Dont a reas da vezañ unan eus mistri-moullerien Europa e kêr Brugge e-lec'h ma'z eus ul leti bras en e anv.

E genvreudeur e Brugge e voe Colart Mansion ha William Caxton, an hini a zegaso ar moullerezh da Vro-Saoz. Meur a vouladur e latin, galleg, flamanteg zo deuet betek ennomp, en o zouez ar flemmskrid a-enep Loeiz XI a Vro-C'hall, skrivet gantañ, hag anvet Deffense de monseigneur le duc et de madame la duchesse d'Autriche et de Bourgogne, à l'encontre de la guerre que le roi a suscitée.

Mervel a reas war-dro ar bloavezhioù ma voe staliet ar gwaskoù moullañ kentañ e Breizh, gant Flamanked moarvat. N'eus roud ebet anezhañ war-lerc'h 1484.

Brud

Diwar e anv eo bet anvet :

al leti Jan Brito e Brugge
al lise Jan Brito e Baen-Veur,

ha meur a straed e Presperieg, Redon, Roazhon...

Levrlennadur

ANNALES de la SOCIÉTÉ D'ÉMULATION pour l'étude DE 'HISTOIRE & DES ANTIQUITÉS DE LA FLANDRE, 5e Série, tome X, XLIVe volume de la collection, Livraison Supplémentaire, année 1897 - JEAN BRITO, PROTOTYPOGRAPHE BRUGEOIS, conférence donnée à la société d'archéologie de Bruges, par M. le chanoine H. Rommel, le 5 avril 1898
Gautier (Jean-François), Jean Brito de Bretagne en Flandre ; Pipriac, association Kistinenn, 1985, 32 pp, ill.
Gilliodts van Severen (L), L'œuvre de Jean Brito, prototypographe brugeois (en flamand) ; Bruges, Annales de la Société d'émulation de la Flandre, 1897.
Guérin-Guillonnet (Madeleine), Jan Brito premier Breton imprimeur ; Pipriac, association Jan Brito, 2001, 36pp, ill. (tiré à part, enrichi de reprod. en coul., d'un art. paru dans le Bulletin de la Soc. archéol. & historique d'Ille-et-Vilaine, tome CIV, 2001).
Simonin (michel), "Les leçons de Bréhan", in L'Écrit, instrument de communication ; Rennes, Société d'histoire et d'archéologie de Bretagne, tome LXII des Mémoires, 1985 (numéro spécial "pour le quatrième centenaire de l'introduction de l'imprimerie en Bretagne"). Michel Simonin précisait : "Les pages qui suivent sont tirées d'un ouvrage en cours d'achèvement sur Le Livre en Bretagne, XVe-XVIIIe siècle", jamais paru.

Liammoù diabarzh

Gwelet ivez :

Liammoù diavaez

Mirdi Jan Brito e Presperieg