Jeannie Robertson

Eus Wikipedia
Sauter à la navigation Sauter à la recherche

Jeannie Robertson (1908 - 13 a viz Meurzh 1975) a oa ur ganerez hengounel eus Bro-Skos.

Savet e oa bet e-touesk ur familh termaji hag oa brudet-tre, e Breizh-Veur a-bezh, evit kalite he roll-kanaouennoù hengounel (ur familh ha ne oa ket mui kantreat kemend-all d'ar mare-se, o chom e oant en Aberdeen).

Desket he-doa he roll-kanaouennoù, unan deus ar re vrasañ e Breizh-Veur, gant he mamm, ha gant kanerion hengounel all ivez, bet kejet ganti war an hentoù.

Adalek ar bloavezh 1953 he doa gallet kanañ dirak an dud e-barzh ar c'hentañ festivalioù folk. Er memes bloavezh e oa bet enrollet (hag aterset) gant ar sonour brudet Alan Lomax. Kanet he doa dezhañ un doare eus Andrew Lammie (Mill o' Tifty's Annie) hag a badas ouzhpenn 13 munut (ha lârout a rae hi c'hoazh ne oa ket aze nemet an hanter deus ar werz).

Graet e veze c'hoazh ganti arvestoù all, pladennoù, abadennoù-radio ha tele, betek fin ar bloavezhioù 1960. Dekoret e voe gant ar Rouanez, e 1968, da Ezel eus Urzh Impalaeriezh Breizh-Veur (MBE).

Ouzhpenn he gwerzioù klasel, e kane c'hoazh kanaouennoù farsus evel Never Wed an Old Man.
He c'hanaouenn vrudetañ hiziv an deiz eo I'm a man you don't meet every day pe Jock Stewart, ha zo bet adkanet gant Archie Fisher, The Dubliners, The McCalmans, The Tannahill Weavers ha The Pogues.

Pladennoù[kemmañ | kemmañ ar vammenn]

  • The Queen Among The Heather, Rounder 1998