Hunvre Jakob
Hunvre Jakob (El sueño de Jacob e spagnoleg) zo un eoullivadur krouet e 1639 gant an arzour spagnol José de Ribera (lesanvet Lo Spagnoletto). War ziskouez emañ e Mirdi ar Prado e Madrid.
Gwelet a reer Jakob evel ur mêsaer o kousket, gant ur wezenn a-dreñv dezhañ. En tu all, pell en a-dreñv e weler ur skeuliad gouloù, "skeul Jakob", gwelet gantañ dre e gousk. N'eo ket ur gwir skeul, graet gant tammoù koad, met skeulioù heol, ha drezo e tremen an aeled da bignat d'an neñv pe da ziskenn dioutañ.
Ul livadur eus skol spagnol ar XVIIvet kantved eo. Taolennet ez eus aze un arvest a gonter en Testamant Kozh, e Levr ar C'heneliezh, er pennad 28.
Liamm diavaez
[kemmañ | kemmañ ar vammenn]- (en) (es) El sueño de Jacob, El Prado