Henri Maho

Eus Wikipedia
Mont da : merdeiñ, klask

Henri Maho a oa bet ganet d'an 30 a viz Gouere 1921 e Gwennin (Mor-Bihan) hag aet da Anaon e Baod d'an 12 a viz Mezheven 2008.

Stourmer evit ar brezhoneg ha glad relijiel Breizh[kemmañ | kemmañ ar vammenn]

Brezhoneger a-vihanik e oa. Desket en devoa lenn ha skrivañ ar yezh e-unan.

E penn un embregerezh sevel-tiez e oa.

Adalek ar bloavezhioù 1940 e stourmas evit ar yezh. Kelennet en devoa brezhoneg e Begnen (1942) hag e Logunec'h.

Labouret en devoa evit ar gelaouenn Arvor, renet gant Loeiz Andouard d'ar mare-se.

Bez' e voe unan eus ar re a grouas ar gelaouenn wenedek An Doere.

Brudet eo, dreist-holl, evit al labour graet er gevredigezh Breiz Santel a zifenn glad relijiel Breizh. Ar prezidant anezhi e oa bet e-kerzh ar bloavezhioù 1980, o stourm hep ehan evit kempenn chapelioù, kroazioù ha feunteunioù.

Resevet en devoa Kolier an Erminig e 1998.