Begnen

Arabat droukveskañ gant parrezioù Bignon e Bro-Gwiniegi Naoned ha Benion e-kichen Gwern-Porc'hoed (su Bro-Sant-Maloù).

Begnen
Hent-korriganed Kergonfalz.
Anv gallek (ofisiel)	Bignan
Bro istorel	Bro-Gwened
Melestradurezh
Departamant	Mor-Bihan
Arondisamant	Pondi
Kanton	Sant-Yann-Brevele (betek 2015) Mourieg (abaoe 2015)
Kod kumun	56017
Kod post	56500
Maer Amzer gefridi	Louis Morio 2014-2020
Etrekumuniezh	Kreiz Mor-Bihan Kumuniezh
Bro velestradurel	Bro Pondi
Lec'hienn web	mairie-bignan.fr
Poblañsouriezh
Poblañs	2 774 ann. (2019)
Stankter	61 ann./km²
Douaroniezh
Daveennoù lec'hiañ	47° 52′ 48″ Norzh 2° 46′ 23″ Kornôg 47° 52′ 48″ Norzh 2° 46′ 23″ Kornôg
Uhelderioù	kreiz-kêr : 130 m bihanañ 53 m — brasañ 181 m
Gorread	45,84 km²
Begnen

Begnen a zo ur gumun eus Breizh e Kanton Mourieg e departamant ar Mor-Bihan.

Brezhoneg

Ya d'ar brezhoneg

• D'an 23 a viz Ebrel 2009 e oa bet votet ar garta Ya d'ar brezhoneg gant kuzul-kêr ar gumun.

Deskadurezh

• Ar Brezoneg er Skol, 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol.
• Klasoù divyezhek a zo eno abaoe 2000.
• E distro-skol 2021 e oa 24 skoliad enskrivet er c'hlasoù divyezhek (11,3 % eus skolidi ar gumun evit a sell ouzh ar c'hentañ derez). https://www.brezhoneg.bzh/98-kelenn.htm

Istor

Dispac'h Gall

• Melestradurezh: krouet e voe kumun Begnen e 1790. Gant al lezenn eus an 23 a viz Eost 1790 e voe lakaet da benn ur c'hanton, hini Begnen, gant peder c'humun ennañ: Begnen, Buelion, Sant-Aleustr ha Sant-Yann-Brevele; e Bann Josilin edo. Gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix, e voe diskaret kanton Begnen ha lakaet Begnen e Kanton Sant-Yann-Brevele, bet krouet gant ar memes lezenn. Lakaet e oa bet Begnen en Arondisamant Ploermael bet krouet e 1800.

XIX^vet kantved

• Krouet e voe kumun Kolpoù d'ar 4 a viz Even 1864 diwar lodennoù eus kumunioù Begnen, Gregam ha Sant-Yann-Brevele.

XX^vet kantved

• Brezel-bed kentañ: 148 gwaz eus ar gumun a gollas o buhez abalamour d'ar brezel, d.l.e. 5,60 % eus he foblañs e 1911;
• Eil Brezel-bed:
  • d'ar 5 a viz Even e voe tapet 77 000 lur en ti-post gant tud armet eus ar Rezistañs.
  • mervel a reas trizek den ag ar gumun abalamour d'ar brezel;
• Brezel Aljeria: daou waz a varvas.

Monumantoù ha traoù heverk

• Monumant ar re varv.
• Iliz-parrez Sant Paol ha Sant Pêr
• Chapel Sant Lubin
• Chapel Santez-Noal pe chapel Itron Varia ar Bleuñv
• Chapel Itron Varia an Teir Feunteun pe chapel Sant Laorañs
• Chapel an Drinded
• Kastell pe maner Kergwehenneg
• Kastell Beaulieu

Emdroadur ar boblañs abaoe 1962

Niver a annezidi

Tud brudet

Tud bet ganet eno

• Pêr Gwilhmod, penn chouan, lesanvet "roue Begnen", 1añ a viz Du 1759.
• Pierre Noury (1743-1804) a voe person Begnen betek an Dispac'h gall. Kalz enskrivadurioù brezhonek a zo er gomun a-drugarez dezhañ, pergen, unan vras war dalbenn an iliz: "Meuleudi da Zoue".

Tud bet o chom eno

• Maurice Quentin (1920-2013), marc'hhouarner breizhat.

Liammoù diavaez

• (br) Begnen war lec'hienn Geobreizh
• (fr) Lec'hienn ofisiel an ti-kêr