Goundi Norzhafrika
| |||
|---|---|---|---|
| |||
| Rummatadur filogenetek | |||
| Riezad : | Animalia | ||
| Skourrad : | Chordata | ||
| Kevrennad : | Mammalia | ||
| Urzhad : | Rodentia | ||
| Kerentiad : | Ctenodactylidae | ||
| Genad : | Ctenodactylus | ||
| Anv skiantel | |||
| Ctenodactylus gundi Rothmann, 1776 | |||
D'ar vevoniezh   e tenn ar pennad-mañ. | |||
Goundi Norzhafrika (Ctenodactylus gundi) a zo ur bronneg krigner hag a vev en dezerzh e Maroko, Aljeria, Tunizia ha Libia.
Doareoù pennañ
[kemmañ | kemmañ ar vammenn]War-dro 15-20 cm eo e hirder, gant ul lost munut 2 cm. 200 g eo e bouez.
Tennañ a ra d'ar razh-Indez. Berr eo e bavioù, plat e zivskouarn, bras e zaoulagad ha hir e vourroù.
Gouennañ
[kemmañ | kemmañ ar vammenn]An aliesañ e vez ganet daou golen blevek goude un dougen 40 deiz. Nebeut amzer goude o ganedigezh e vez dizonet ar re vihan, moarvat dre ma'z eus nebeut a laezh gant ar vamm en un endro ken sec'h.
Emzalc'h
[kemmañ | kemmañ ar vammenn]Bevañ a ra ar goundied e tropadoù, an niver a hiniennoù enno o cheñch hervez ar c'hementad boued en endro.
Ober a reont o annez e goudor roc'helloù a vir tommder an deiz e-pad an noz hag a chom fresk diouzh an deiz. Diouzh ar goañv en em lak ar goundied bern-war-vern.
Tommheoliañ a reont diouzh ar beure a-raok mont d'en em vagañ. War-lerc'h e souchont war ar reier tomm betek ma tizh an temperadur tro-dro 30° C ha mont neuze e goudor ar roc'helloù ma chomont betek fin an endervezh.
Boued
[kemmañ | kemmañ ar vammenn]En em vagañ a reont diwar plant, korzennoù, delioù, bleunioù ha greun. Dre m'eo skars ar boued en dezerzh eo ret dezho foetañ bro evit debriñ o gwalc'h.
Ar goundied n'evont ket. Bastet e vez d'o ezhommoù dour gant ar plant a zebront.