Google

Eus Wikipedia
Sauter à la navigation Sauter à la recherche
Google 2015

Google Inc. a zo un embregerezh stadunanat bet krouet er Silicon Valley d'ar 27 a viz Gwengolo 1998 gant Larry Page ha Sergey Brin, oberourien al lusker enklask Google. Bez eo unan eus ar Big Four tech companies pe GAFA. Abaoe miz Eost 2015 ez eo ul lodenn eus an embregerezh Alphabet.

An embregerezh Google a zo deuet da vezañ brudet en e stourm gant e lusker enklask a-enep re AltaVista, Yahoo! ha Bing. Goude-se ez eo kroget an embregerezh da brenañ pe sevel meziantoù lies hag hiziv an deiz ez eo perc'henn eus un toullad meziantoù brudet ha lec'hiennoù internet evel YouTube, ar savenn hezoug Android, ha servijoù web all evel Google Earth, Google Maps ha Google Play.

Nerzh Google a zo deuet dre an tiez-eskemm. Bremañ ez eo unan eus an embregerezhioù galloudusañ stadunanat ha bedel. E-penn kentañ ar bloavezh 2008, e talveze 176 miliards a zollarioù e Wall Street. D'ar 1añ a viz C'hwevrer 2016 ar sammad arc'hant evit an tiez-eskemm evit Google a oa uheloc'h evit hini Apple ha deuet e oa da vezañ an hini entañ er Stadoù-Unanet Amerika, gant ur sammad a 550 miliard a zollarioù dasparzhet war meur a zoare lodennoù eskemm.