Gerallt Gymro

Eus Wikipedia
Mont da : merdeiñ, klask
Kastell Maenorbŷr, ma voe ganet Gerallt Gymro

Gerallt Gymro (war-dro 1146 – war-dro 1223), eo anv kembraek ar c'hloareg anvet Giraldus Cambrensis e latin, arc'hdiagon Brycheiniog, a skrivas e latin diwar-benn Kembre er Grennamzer. E saozneg eo anavezet evel Gerald of Wales, hag e galleg Gerald de Barri, hiziv Giraud de Barry, pe Giraud de Cambrie.

E vuhez[kemmañ]

Ganet e oa war-dro 1146 e kastell Manorbŷr, e Sir Benfro, e mervent Kembre, ha Kembread ha Norman e oa. E dad a oa ur marc'heg norman, Guillaume de Barri, hag e vamm Angharad ferch Nest a oa ur briñsez kembreat. Mab-bihan e oa d'ar baron norman Gerald de Windsor ha d'ar briñsez Nest, merc'h da Rhys ap Tewdwr.

Desket e voe e Gloucester, ha mont a reas da studiañ da Paris. A-benn 1172 e oa distro da Vro-Saoz, hag implijet gant Richard of Dover, arc'heskob Canterbury, da vont d'ober meur a gefridi da Gembre, ma tapas brud o poaniañ da glask lakaat fin da fallzoareoù an Iliz e Kembre. Anvet e voe da arc'hdiagon Brycheiniog, ha bod dezhañ e Llanddew.


E 1180 e tistroas da Gembre, hag ur garg a voe roet dezhañ gant eskob Tyddewi, hogen he dilezel a reas buan pa welas stad e velestradurezh.


E oberennoù[kemmañ]

Oberennoù kollet
  • Vita sancti Karadoci ("Life of St Caradoc")
  • De fidei fructu fideique defectu
  • Totius Kambriae mappa c.1205

Notennoù ha daveennoù[kemmañ]

  1. Wright, T. The Historical works of Giraldus Cambrensis (1913) London p.viii
  2. Ibid p.ix
  3. M.R. James (ed.), “Two Lives of St. Ethelbert. King and Martyr.” The English Historical Review 32 (1917). 214-44: 222–36