Georges de Villebois-Mareuil
Georges Henri Anne Marie Victor, kont Villebois-Mareuil (Naoned, 22 a viz Meurzh 1847 - Boshof, Transvaal, Suafrika, 5 a viz Ebrel 1900, a oa ofisour en arme Frañs.
Brud a c'hounezas pa stourmas diouzh tu ar Voered enep ar Rouantelezh-Unanet en Eil Brezel ar Voered (11 a viz Here 1899-31 a viz Mae 1902).
E 1867 e teuas er-maez eus Skol Saint-Cyr. Brezeliñ a reas en Indez-Sina ; en arme al Liger e voe e-kerzh Brezel 1870.
Heuliañ a reas stummadur ar Skol a Vrezel, penn sturvod rannarme Aljer e voe. Koronal e oa pa roas e zilez e 1895. E 1899 ez eas da Suafrika evit sikour ar Voered, e penn ur bagad emouestlidi c'hall ha hollandat e oa pa voe lazhet e-kerzh ur c'hrogad a badas ouzhpenn teir eurvezh enep soudarded breizhveurat kalz niverusoc'h.
Danevellet eo bet e desteni a-zivout ar brezel-se en ul levr anvet Carnets de campagne embannet e 1902.
Roueelour, enepyuzev, enepfrañmason, enepsaoz e oa. Ezel eo bet eus an Action Française.
Roet eo bet e anv d'ur boulouard gant kêr Roazhon.
Mammennoù[kemmañ | kemmañ ar vammenn]
- (fr) Jean-Loup Avril, 500 Bretons à connaître, L'Ancre de Marine, 1989 – ASIN : B004AUYMUK.
