Fulgencio Batista
| Reizh pe jener | paotr  |
|---|---|
| Bro ar geodedouriezh | Kuba |
| Anv e yezh-vamm an den | Fulgencio Batista Zaldívar |
| Anv ganedigezh | Fulgencio Batista |
| Anv-bihan | Fulgencio |
| Anv-familh | Batista |
| Eil anv tiegezh en anvioù spagnolek | Zaldívar |
| Deiziad ganedigezh | 16 Gen 1901 |
| Lec'h ganedigezh | Banes |
| Deiziad ar marv | 6 Eos 1973 |
| Lec'h ar marv | Marbella |
| Doare mervel | abeg naturel |
| Abeg ar marv | myocardial infarction |
| Lec'h douaridigezh | San Isidro Cemetery |
| Pried | Marta Fernandez Miranda de Batista, Elisa Godinez Gomez de Batista |
| Yezhoù komzet pe skrivet | spagnoleg |
| Micher | politiker, milour |
| Karg | President of Cuba |
| Deroù ar prantad labour | 1921 |
| Strollad politikel | Liberal Party of Cuba, Democratic Socialist Coalition, Progressive Action Party |
| Relijion | Roman Catholic |
| Perzhiad e | Cuban coup d'etat of 1933, Eil Brezel-bed, Cuban Revolution |
| Grad milourel | major jeneral |
| Brezel | Cuban Revolution |
| Skour lu | Revolutionary Army |
| Prizioù resevet | Grand Cross Special Class of the Order of Merit of the Federal Republic of Germany, Grand Cross of the Military Merit - White Badge |
Fulgencio Batista y Zaldívar, lesanvet El Mulato Lindo (an hiron koant), El Hombre (ar gwaz), ganet d'ar 16 a viz Genver 1901 e Banes, tri bloaz bennak goude dieubidigezh ar vro diouzh trevadennerien Spagn, e proviñs Oriente (hiriv e proviñs Holguin), e Kuba, a oa un ofiser eus arme Kuba, deuet da vout politikour ha prezidant ar republik entre 1940-1944, ha diktatour goude un taol-stad e 1952, dilennet e 1954 ha diskaret e 1958.
E dad, Belisario Batista Palerma, a oa ur guajiro (kouer). Mervel a reas e dud a-raok e 13 vloaz. Kuitaat a reas ar skol da vezañ darbarer kemener. Labourat a reas el labouradegoù-sukr a-raok mont da studiañ da vezañ perukenner ha troc'her barv. A-benn ar fin, da 20 vloaz, ez eas da soudard.
Politiker
[kemmañ | kemmañ ar vammenn]
Aozañ a reas ur sistem preizherezh en e vro gant skoazell ar mafia stadunanat a rene war an douristelezh, dindan lasoù Lucky Luciano, Meyer Lansky ha Santo Trafficante.
Lamm a voe roet dezhañ gant Dispac'h Kuba (1958-1959), renet gant Fidel Castro.
Tec'h
[kemmañ | kemmañ ar vammenn]Tec'hel a reas eus Kuba, gant milionoù a zollaroù, d'an 31 a viz Kerzu 1958, da glask repu d'ar Republik Dominikan. D'ar 1añ a viz Genver 1959 e tegouezhas e La Habana un dek mil brezelour eus arme Fidel Castro.
Manuel Urrutia a voe anvet da brezidant, Fidel Castro da bennkomandant an arme, ha da pennministr d'ar 16 a viz C'hwevrer 1959.
Alese ez eas Fulgencio Batista da chom da Enez Madeira. Echuiñ a reas e vuhez e Spagn ha mervel a reas d'ar 6 a viz Eost 1973, d'an oad a 72 vloaz, e Guadalmina, e-kichen Marbella, en Andalouzia, manket dezhañ e galon. Hervez lod, hogen hep prouenn, e vije bet kaset ur strollad muntrerien gant Fidel Castro, daou zevezh a-raok e varv, d'e lazhañ.