Feodora zu Leiningen
Feodora zu Leiningen (en alamaneg), pe Feodora Leiningen (1807–1873) a oa ur briñsez alaman, eus priñselezh Leiningen, hag a oa hanterc'hoar henañ ar rouanez saoz Victoria.
He buhez
[kemmañ | kemmañ ar vammenn]Ganet e oa d'ar 7 a viz Kerzu 1807 en Amorbach, en Alamagn. Merc'h e oa da Emich Carl zu Leiningen (1763-1814) ha d'e eil pried ar briñsez Victoria von Sachsen-Coburg-Saalfeld (1786-1861), 23 bloaz yaouankoc'h egetañ.
Bevañ a reas en Amorbach, gant he zud hag he breur henañ, ar priñs Charles de Leiningen (1804-1856).
En 1814, pa oa 7 vloaz, e varvas he zad. Addimeziñ a reas he mamm e 1818, ha hi 32 vloaz, gant un dug saoz, Edward Augustus Kent ha Strathearn e anv.
Pa voe ganet he hanterc'hoar Victoria, a vo rouanez Bro-Saoz en 1819, e teuas Feodora hag he zud da chom da Vro-Saoz, en ur genkiz e Sidmouth. Goude marv he leztad en 1820 ez eas an tiegezh da chom da Balez Kensington.
Dimeziñ
[kemmañ | kemmañ ar vammenn]D'an 18 a viz Genver 1828 e timezas Feodora, e Palez Kensington, d'ar priñs Ernest Iañ a Hohenlohe-Langenburg (1794-1860), mab henañ ar priñs Charles-Louis III a Hohenlohe-Langenburg (1764-1825) ha d'ar gontez Amélie a Solms-Baruth]].
Mont a eure Feodora da chom da Langenburg, nepell diouzh Stuttgart, ma en doa he fried domanioù bras. Daoust da se e kenskrive gant he ziegezh ha dreist-holl gant he lezc'hoar Victoria.
Dimeziñ ha bugale
[kemmañ | kemmañ ar vammenn]C'hwec'h bugel he doe.
- Karl Ludwig Wilhelm Leopold (1829–1907) ∞ a zimezas e 1861 da Marie Grathwohl (1837–1901), baronez von Bronn (1890)
- Elise Adelheid Victorie (1830–1851),
- Hermann Ernst Franz Bernhard (1832–1913) a zimezas e 1862 d'ar briñsez Leopoldine von Baden (1837–1903)
- Viktor Ferdinand Franz (1833–1891) a zimezas e 1861 da Lady Laura Wilhelmina Seymour, kontez von Gleichen (1861)
- Adelheid Victoria Amalie Louise Maria Konstanze (1835–1900) a zimezas e 1856 d'an dug Friedrich VIII. von Schleswig-Holstein (1839-1872). Int-i eo tud Augusta-Victoria Schleswig-Holstein-Sonderbourg-Augustenbourg a oa impalaerez diwezhañ Alamagn.
- Feodora Victoria Adelheid (1839–1872) a zimezas e 1858 d'an dug Georg II. von Sachsen-Meiningen (1826–1914)
He marv
[kemmañ | kemmañ ar vammenn]Mervel a reas-hi d'an 23 a viz Gwengolo 1872, goude un hir a gleñved, e Baden-Baden ma voe beziet.
