Feniks

Eus Wikipedia
Aller à la navigation Aller à la recherche
Disambig colour.svg Evit sterioù ar ger Phoenix, gwelit ar pennad Phoenix (disheñvelout).

Feniks, en Aberdeen Bestiary

Un evn mojennel eo ar feniks (henc'hresianeg : Φοῖνιξ, phoínix), anvet ivez fenis e brezhoneg.[1] Meneget eo e skridoù henc'hresianek Hesiodos ha Herodotos, hag e skridoù latin diwezhatoc'h.

Un evn peurbadus liammet ouzh an Heol eo ar fenis. Betek 1400 vloaz eo padelezh e vuhez ; mervel a ra dre zeviñ, ha diwar e ludu e vez azganet ur fenis nevez.
Arouez an adnevezadur en natur dre vras eo, evel an Heol o sevel bemdez, en Istor evel an impalaerezhioù o vont da get hag o sevel en-dro, er relijion evel azginivelezh an eneoù (ar metempsikoz). Evit ar gristenien ec'h eo ar fenis arouez dasorc'hidigezh ar C'hrist ha buhez an dud a vez er baradoz goude o marv.

Pennadoù kar[kemmañ | kemmañ ar vammenn]

Notennoù[kemmañ | kemmañ ar vammenn]

  1. Geriadur Ménard, p. 1015-b ; gwelout ivez : Sfins, a zo Σφίγξ [sfiŋks] en henc'hresianeg.

Commons
Muioc'h a restroù diwar-benn

a vo kavet e Wikimedia Commons.