Emgann Austerlitz

Eus Wikipedia
Sauter à la navigation Sauter à la recherche
Napoleon e-pad Emgann Austerlitz François Gérard (Galerie des Batailles, Versailles)

Emgann Austerlitz, anvet ivez Emgann an tri impalaer, a oa bet stourmet d'an 2 a viz Kerzu 1805. Unan eus an emgannoù pouezusañ eo e Brezelioù Napoleon. Gwelet e vez an emgann-se evel an trec'h bravañ a oa deuet gant Napoleon, ar Grande Armée eus Bro-C'hall en devoa trec'het garv ul lu kalz galloudusoc'h, Rusianed hag Aostrianed renet gant an impalaer Aleksandr hag an impalaer Frañsez II. An emgann a oa bet stourmet nepell diouzh kêr Austerlitz en impalaeriezh aostrian (Slavkov u Brna er Republik Tchek bremañ). Emgann Austerlitz en devoa degaset ur fin trumm da Vrezel an trede kengevread, gant skrid-emglev Pressburg sinet gant an Aostrianed e fin ar miz.

An emgann a zo gwelet evel un trec'h strategel meur, ken pouezus hag emgannoù Cannae pe Gaugamela.