Dinan Kumuniezh

Pelec'h edo an etrekumuniezh en Aodoù-an-Arvor.

Dinan Kumuniezh a oa un etrekumuniezh lakaet e pleustr d'ar 1añ a viz Genver 2014 diwar gendeuziñ "Kumuniezh kumunioù Dinan" gant "Kumuniezh kumunioù Bro Evrann".

Edo he sez e Dinan. He frezidant diwezhat a oa Gérard Berhault, maer an Hengleuz

D'ar 1añ a viz Genver 2017 e oa deuet da vezañ Dinan Tolpad-kêrioù, goude kendeuziñ gant kumuniezh-kumunioù Plangoed-Plelann-Vihan, kumuniezh kumunioù Bro Kaon, 7 kumun a oa e kumuniezh kumunioù Bro Matignon, 3 c'humun a oa e kumuniezh kumunioù Bro Gwesklin ha 3 c'humun a oa e kumuniezh kumunioù ar Renk hag ar Froudveur.

Ar c'humunioù

26 kumun a oa enni.

1. Bowidel
2. Bruzivili
3. Dinan (sez)
4. Evrann
5. Gwilde-Gwengalon
6. An Hengleuz
7. ar C'haeoù
8. Kerorgen
9. Kerveskont
10. Kever
11. Lanvalae
12. Lehon
13. Maez-Geraod
14. Oskaleg
15. Pleudehen
16. Plouan
17. Sant-Andrev-an-Dour
18. Sant-Haelen
19. Sant-Karneg
20. Sant-Samzun
21. Sant-Yuvad
22. Sant-Yuzeg
23. Taden
24. Trefermael
25. Trelivan
26. Treveron

Brezhoneg

Deskadurezh

• E distro-skol 2015 e oa enskrivet er skol Diwan hag er c'hlasoù divyezhek 103 skoliad (2,1 % eus skolidi ar gumuniezh evit a sell ouzh ar c'hentañ derez).

Liammoù diavaez

• (fr) Lec'hienn ofisiel