Dimitris Liantinis

Eus Wikipedia
Aller à la navigation Aller à la recherche

Dimitris Liantinis (1942-1998) oa ur prederour gresian.

Kelennet en deus ar brederouriezh e-pad un tregont vloaz bennak e skol-veur vroadel Aten. Kelennet en deus ivez skiantoù an deskadurezh. Levezonet-bras e oa bet gant ar gentsokratidi ha preder Friedrich Nietzsche. Barzh e oa a-du-arall.
E wreg, Niκolitsa Georgopoulou, zo kelennerez war ar brederouriezh e skol-veur Aten ivez hag a-bouez-bras eo hec'h oberennoù gouestlet d'an ontologiezh ha d'an usvedoniezh.

Liesseurt eo oberenn Liantinis. Emañ Eros ha Thanatos e-kreiz e breder. Studiet en deus barzhoniezh Rainer-Maria Rilke ha diskouezet en deus e zibarded. Loreet eo bet gant Akademiezh Aten abalamour d'e levr diwar-benn D. Solomos, ur barzh gresian. Studiet en deus ivez barzhoniezh Yorgos Seferis (Priz Nobel al Lennegezh e 1963). Skrivet en deus koulz levrioù a denn da skiantoù an deskadurezh ha re a-zivout istor ar brederouriezh ha troet en deus Ecce Homo Nietzsche. E levr brudetañ, Gemma, zo ur vurutelladenn a-vremañ eus sevenadur Gres.

Kuit e oa aet Dimitris Liantinis e 1998 goude lezel ul lizher d'e verc'h. Embannet eo bet e zastumad barzhonegoù gant e wreg e 2006.

Adkavet e voe e gelan e 2005 en ur groc'h. Anavezet e oa a-drugarez da arnodennoù-enklask. Beziet e voe rak ne oa ket tu da zeviñ e gorf.

Liammoù diavaez[kemmañ | kemmañ ar vammenn]