Die Sterntaler
Die Sterntaler (arc'hant ar stered e brezhoneg) zo ur marvailh alamanek hag unan eus kontadennoù Grimm. Kentañ ma voe embannet a oa en eil embannadur al levr Kinder- und Hausmärchen, dastumad alamanek ar vreudeur Jacob ha Wilhelm Grimm, e 1819.
Ar marvailh
[kemmañ | kemmañ ar vammenn]Ur plac'hig, emzivadez, a zo paour, hep ti nag aoz. N'he deus tra nemet he dilhad hag un dorzh vara zo bet roet dezhi gant un den a galon vat. Kalon vat he deus ivez, ha mont a ra d'ober un dro war ar maez. D'un den naonek e ro he bara. Da dri bugel anouedek e ro he c'habell, he forpant hag he sae. En ur c'hoad e wel ur bugel noazh o c'houlenn un hivizh hag e ro hec'h hivizh. N'he deus netra ken hag a-greiz-holl e kouezh ar stered war an douar, ha pep hini anezho a deu da vezañ un taler, ur pezh arc'hant. A-benn ar fin e teu da vout pinvidik.
E brezhoneg
[kemmañ | kemmañ ar vammenn]Embannet eo bet evel Ar stered arc'hant el levr Marvailhou an Oaled (Marvailhou Grimm), e niverenn 61 eus ar gelaouenn Gwalarn, e miz Kerzu 1933. Gant Roparz Hemon e oa bet lakaet e brezhoneg.
Timbroù
[kemmañ | kemmañ ar vammenn]- Timbroù eus an Deutschen Bundespost e 1959.
-
Das Mädchen gibt dem armen Mann das Brot -
Das Mädchen gibt dem Kind sein Röcklein -
Das Mädchen sammelt die Taler ein
