Hiadezed

An Hiadezed, pe Hyadezed (‘Υάδες / Huádes, « ar Glavegezed », eus ὑειν, « ober glav » e gregach), a oa merc'hed d'an Titan Atlas ha d'an Okeanidenn Aethra pe Pleione, ha c'hoarezed Hias, a zo nimfezed ar glav e mojennoù Hellaz kozh.

En un doare all eus ar vojenn int merc'hed da Hias ha Beotia.

Kemmañ a ra o niver hervez ar skrivagnerien (div int, pe deir, pe bemp, pe seizh, pe kalz muioc'h). Meneget e vez an anvioù-mañ:

• Ambrosia
• Eudora
• Æsyle (pe Phæsyle)
• Koronis,
• Dione,
• Polyxo,
• Phaeo (pe Phaeote)
• Pedile,
• Cleeia

Mojennoù

Magerezed Zeus e voent e Dodone. Pa voe ganet Dionisos e voe kaset gante betek ar menez Nysa, ha roet da Ino da ziwall. Zeus o c'hasas neuze d'an Oabl d'ho mirout ouzh konnar Hera.

En ur vojenn all e oa bet lazhet o breur Hyas gant ul leon (pe un hoc'h-gouez), ha glac'haret e voent kement ken na baouezent ket a ouelañ. Ma voe fromet an doueed gant o gouelvanoù. Lakaet e voent e-touez gronnad stered an Hyadezed e-barzh steredeg an Tarv (steredeg).