Azia ar gevred

Azia ar Gevred er bed

Broioù Azia ar Gevred

Azia ar Gevred, pe Gevredazia ([ge'vre:da'zi:a]), eo ar rannved a zo e gevred Azia, da lavarout eo e reter an Indez hag e su Sina.

Istor

N'eo ket gwall gozh an anv-mañ. Dont a ra war wel e 1943 pa oa krouet ar South East Asia Command pe SEAC, e-pad an Eil Brezel Bed da gemer e karg holl an oberatadennoù renet gant armeoù ar gevredidi er c'hornad-se, o reiñ ur stumm fetis da gomandamant unvan an armeoù amerikan, aostralian, breizhveuriat hag izelvroat dindan ur jeneral breizhveuriat. Pal ar gevredidi a oa kemer en-dro an Indez izelvroat (hiziv en Indonezia) ha Malaysia saoz.

Douaroniezh

Lakaet e vez ar riezoù-mañ da vezañ e-barzh:

• Brunei;
• Kambodja;
• Indonezia;
• Laos;
• Malaysia;
• Myanmar (Birmania);
• Filipinez;
• Singapour;
• Thailand;
• Timor ar Reter;
• Viêt Nam.