Dag Hammarskjöld

Eus Wikipedia
Mont da : merdeiñ, klask
Dag Hammarskjöld dirak sez kreiz ar Broadoù Unanet e New York.

Dag Hjalmar Agne Carl Hammarskjöld, anavezet evel Dag Hammarskjöld (distaget [dɑːɡ ˈhamːarɧœld] e svedeg) (29 a viz Gouere 190518 a viz Gwengolo 1961) a oa un diplomat svedat, un ekonomour hag ur skrivagner. Eil pennsekretour Aozadur ar Broadoù Unanet e voe, adalek miz Ebrel 1953 betek e varv en ur gwallzarvoud nijerez en Afrika e miz Gwengolo 1961, pa oa 47 vloaz. Eñ eo an hini yaouankañ eus pennsekretourien ar Broadoù Unanet, hag an hini nemetañ a varvas e-kreiz e labour. Roet e voe dezhañ ar Priz Nobel evit ar Peoc'h, goude e varv.

E vuhez[kemmañ | kemmañ ar vammenn]

Ganet e voe Dag Hammarskjöld e Jönköping, e Sveden, met tremen a reas ar braz eus e yaouankiz en Uppsala. Mab e oa da Hjalmar Hammarskjöld, Kentañ Ministr Sveden eus 1914 da 1917, ha d'e wreg Agnes Almquist. Ober a reas e studioù e Skol-Veur Uppsala. Eno e tapas diplomoù prederouriezh ha gwir, hag un doktorelezh ekonomiezh.

Goude-se e voe o labourat evit gouarnamant Sveden e meur a bost, adalek 1930. E 1946 e teuas da vezañ kuzulier war an diaesterioù ekonomikel. E 1947 e voe anvet e Ministrerezh an Aferioù Diavaez hag e 1951 e teuas da vezañ Ministr an Aferioù Diavaez. Evel-se e kemeras perzh, en anv Sveden, e labourioù c'hwec'hvet dalc'h Bodadeg Veur ar Broadoù Unanet e Pariz e 1951-1952 hag er seizhvet dalc'h (1952-1953).

Dilennet e voe da Bennsekretour ar Broadoù Unanet, a-unvouezh, gant ar Vodadeg Veur, d'ar 7 a viz Ebrel 1953. Addilennet e voe, a-unvouezh ivez, e miz Gwengolo 1957.

En e raok:
Trygve Lie
Pennsekretour ar Broadoù Unanet
Ardamezoù Aozadur ar Broadoù Unanet
Ebrel 1953 – Gwengolo 1961
War e lerc'h:
U Thant

Liammoù diavaez[kemmañ | kemmañ ar vammenn]


Commons
Muioc'h a skeudennoù diwar-benn

a vo kavet e Kerandafar.