Chantenay

Adti-kêr Chantenay.

Chantenay zo ur gumun gozh e Liger-Izelañ, stag bremañ ouzh kumun Naoned.

Douaroniezh

War ribl al Liger emañ, e penn Su Erv Breizh. Ur c'harter eus Kornôg Naoned eo bremañ, hini Bellevue-Chantenay.

Emañ an Duchenn Santez-Anna a-us al Liger. Pelloc'h a-hed al Liger ez eus un takad greantel.

Anv

Dont a ra he anv eus al latin Cantenacum pe Villa Canteni, eus an anv-den Cantenos, ur perc'henn douar pinvidik eus ar mare galian-roman. Kresket he deus ar gêriadenn tro-dro d'an domani-se.

« Chantenay » koulz ha « Chantenai » a veze skrivet en teulioù melestradurel. « Chantenay-sur-Loire » a oa implijet en un doare ofisiel etre 1887 ha 1908.

Kas a ra Albert Dauzat d'ar stumm Cantenac dre un anv den galian, Cantenus, eus Cantius gant al lostger -acum; un anv-den galian-roman eo Cantinius

Istor

Dispac'h Gall

Krouet e voe kumun Chantenay e 1790 diwar ar barrez katolik. Lakaet e voe da benn Kanton Chantenay hag e Bann Naoned. E 1800 e voe lakaet en Arondisamant Naoned. E 1801 e voe lakaet e Kanton Naoned-6.

XX^vet kantved

Staget e voe kumun Chantenay ouzh kumun Naoned e 1908, war un dro gant Doulon.

Kalz chanterioù-bigi zo bet e Chantenay.

Monumantoù ha traoù heverk

Chantenay-izel

• Mengleuz kozh Misery
• Rizerezh Levesque, staliet gant Louis-Auguste Levesque e 1860 hag oberiant betek 1939 (straed Réaumur, en takad greantel).

Bourc'h kozh

• Domani an Abati, el lec'h m'emañ lise an Abati bremañ
• Iliz Sant-Marzhin
• Presbital savet er XV^vet kantved (straed ar Réformés)
• Kenkiz anvet "Pavillon chinois"

Tolead Gwalarn (Dervallières, Carcouët)

• Kastell Carcouët, eus an XV^vet kantved, distrujet e 1970 evit sevel ur skolaj
• Kastell an Dervallières savet er XVvet kantved ivez, adsavet en XIX^vet kantved, distrujet er bloavezhioù 1980

• 
  Iliz Sant-Marzhin Chantenay
• 
  Iliz Santez-Anna Naoned
• 
  Ar Mirdi Jules-Verne ha delwenn Santez Anna, war duchenn Santez-Anna
• 
  Dismantroù kastell an Dervallières
• 
  Al Liorzh dreistordinal e mengleuz kozh Misery

Emdroadur ar boblañs adalek 1793 betek 1906

• Mammenn : EHESS

Melestradurezh

En ti ma oa an ti-kêr gwechall ez eus un adti-kêr bremañ.

Tud

• Nicolas Paulus de Fontenil, selaouer ouzh Kambr ar C'hontoù Breizh e 1700

Ar familh Crucy :

• Mathurin Crucy, marvet e Chantenay d'ar 7 a viz Du 1826 ;
• e vab Félix Crucy, maer Chantenay etre 1832 ha 1838.

Ardamezeg ar familhoù

	Amproux Aotrounez de l'Abbaye	Geotet e deir daerenn en argant
	d'Argy Aotrounez la Gringotterie, les Dervallières	En aour e bemp gouwifrell en glazur
	d'Avignon, pe Davaignon Aotrounez Fontenil	En gul e lammell heuliet ouzh kab gant ur vezantenn, ouzh lezioù hag ouzh beg gant teir c'hregilhenn, an holl en argant
	Blanchard Baroned e 1644, ha goude markizien Bois-de-la-Musse e 1660	En glazur e dreustell en argant, heuliet gant pemp bezantenn en aour
	de Carné Aotrounez la Haultière	En aour e ziv dreustell en gul
	Chauvin Aotrounez Bois de la Musse ha l'Isle-Neuve	En argant e deir c'hreskenn en gul, an hini ouzh beg war he eneb
	de l'Epervier / de l'Espervier Aotrounez Launay ha la Haultière	En glazur e lammell en aour, heuliet gant peder bezantenn ivez en aour
	de Lescoët Aotrounez Launay-Dionis	En sabel e sparfell en argant, krabanet, stagellek ha grizilhonek en aour, heuliet gant teir c'hregilhenn en argant
	Paulus Aotrounez Fontenil	En sabel e gebrenn en argant, heuliet gant teir manal en aour
	Tissart Aotrounez Dervalières	Palefarzhet; ouzh 1 ha 4, en argant e deir dorzhell en gul; ouzh 2 ha 3, en argant e dreustell en glazur

Pennadoù kar

• Tuchenn Santez-Anna
• Doulon
• Naoned

Levrlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014 • Embannadur 1890