Canigó

Eus Wikipedia
Mont da : merdeiñ, klask
Ar menez Canigó, gwelet eus Vernet e Conflent.

Ar menez Canigó (Canigou, ha Canigó e galleg ofisiel adalek 2012[1]) (2,784.66 m.) zo ur menez e Pireneoù Katalonia, etre Conflent, Rousilhon ha Vallespir.

E 2 784 metr emañ ar gern. Abalamour d’an dilive bras zo etrezañ ha plaenenn Rousilhon, e kave d’an dud gwechall e oa ur pezh menez, uheloc’h eget ar re all e Katalonia an Norzh. [2] Gouzout a reer bremañ avat n’eo ket gwir hag ez eo uheloc’h ar menezioù Carlit pe Puigmal.

Hervez ar mojennoù e oa bet ar roue Pêr III Aragon an hini kentañ o pignat gant ar menez Canigó e 1285.

E-harz ar menez ez eus daou vanati, Sant Martí del Canigó ha Sant Miquel de Cuixà.

Flammenn Canigó[kemmañ | kemmañ ar vammenn]

Bep bloaz d’an 23 a viz Mezheven, nozkent Gouel Yann (nit de Sant Joan), e vez graet un tantad e krec’h ar menez, e-pad un abadenn anvet Flama del Canigó (Flammenn Canigó). Chom a ra tud da nozvezhiañ en-dro d’an tantad ha gant lod e vez kemeret etivi da vont da enaouiñ tantadoù all e lec’hioù war an uhel dre Gatalonia a-bezh.[3] Istimañ a reer e vez enaouet 30 000 tantad e Katalonia d’an nozvezh-se.[4]

Notennoù[kemmañ | kemmañ ar vammenn]

  1. http://www.bulletin-officiel.developpement-durable.gouv.fr/fiches/BO201214/met_20120014_0100_0032.pdf
  2. Histoire du Roussillon - Le relief des Pyrénées-Orientales
  3. Vermut a la rebuda de la Flama del Canigó
  4. Festes - l'espai on comença la festa

Liammoù diavaez[kemmañ | kemmañ ar vammenn]


Commons
Muioc'h a skeudennoù diwar-benn

a vo kavet e Kerandafar.