C.E.P.T.
Krouet e oa bet an ensavadur Conférence européenne des administrations des postes et télécommunications) pe CEPT (brezhoneg : Kendalc'h Europa ar Melestradurezhioù Postel ha Pellgomzerezh) d'ar 26 a viz Mezheven 1959 e Montreux (Bro-Suis) evit kenurzhiañ an aozadurioù postel ha pellgehentiñ e-touez Stadoù Europa. Implijet e vez an akronim CEPT en e stumm gallek e yezhoù all.
Krouet e oa bet CEPT gant naontek Stad, 48 stad a oa ezel anezhañ betek 2022 (Rusia ha Belarus zo bet skarzhet ar bloaz-se didermen).
Timbroù Europa
[kemmañ | kemmañ ar vammenn]Embannet e vez pep bloaz un timbr pe ur c’houblad timbroù Europa gant izili ar CEPT.
Embannet e oa bet embannadur kentañ Europa d'ar 15 a viz Kerzu 1956 gant ar c'hwec'h ezel diazezer eus Kumuniezh Europa evit ar glaou hag an dir (KEGD. Heñvel evit an holl anezho e oa boutin an tres : un tour savet diwar lizherennoù ar ger " EUROPA”, anv ar vro o vezañ war vord dehou an timbroù. E 1959 e voe krouet Kendalc'h Europa ar Melestradurezhioù Postel ha Pellgomzerezh (CEPT) hag, adalek 1960, e voe skrivet al lizherennoù kentañ "CEPT" war an timbroù embannet a-gevret.
Eeun-tre ha unliv e voe an timbroù e-pad ar bloazioù kentañ, o lakaat war-wel ar ger EUROPA hep mui ken. E 1974 e voe kinniget da bep Stad ijinañ un dresadenn diwar un tem hepken : pezhioù-artizanel, gweledvaoù, savadurioù…
.jpg){kind=logo}
Adalek 1993 n’eo mui CEPT a ra war-dro an timbroù Europa met ar gevredigezh PostEurop.
Berzh an timbroù Europa e-touez an dastumerien a vroudas meur a velestradurezh post eus broioù bihan pe tiriadoù Europa da gemer perzh er bloavezhioù 1970. Andorra a embann timbroù Europa abaoe 1966 (melestradurezh Frañs) ha 1972 (melestradurezh Spagn). N'hall ket Andorra mont e-barzh PostEurop peogwir e vez meret he reizhiad postel en un doare dizalc'h gant Bro-C'hall ha Spagn. Enez Vanav ha Gwernenez o deus embannet timbroù Europa evit ar wech kentañ e 1976, heuliet gant Jerzenez e 1978. Gant fin an Unvaniezh Soviedel e tiwanas Stadoù nevez, ha tizhet e voe 59 ezel er bloavezhioù 2000.
-
Timbr Albania (1992) -
Timbr Armenia (2020) -
Timbr Finland (1960) -
Timbroù Yougoslavia (1978)
Liamm diavaez
[kemmañ | kemmañ ar vammenn]- (en) Lec’hienn CEPT