C'hoarioù arc'hant

Eus Wikipedia
Mont da : merdeiñ, klask
Un daol c'hoari arc'hant

Ar c'hoarioù arc'hant a vez graet eus ar fed da bariañ arc'hant pe un danvez ker war un darvoud (redadegoù, krogadoù sport, dilennadegoù...) douetus ar pal o vezañ da c'hounez muioc'h a arc'hant pe a zanvez ker evit an hini lakaet en arvar.

C'hoarioù arc'hant hag ar relijion[kemmañ | kemmañ ar vammenn]

Ar c'hoarioù ar'hant a zo difennet gant darn ar relijionoù:

  • Evit ar gristenien, ar bibl ne lar ket anat ez eo difennet ar c'hoarioù arc'hant met lar a ra ez eo ret chom hep bezañ e garantez gant an arc'hant rak kement-mañ a lakaa da bellaat diouzh ar gredenn (Timothée 6:10; Hebraeg 13:5). En dek gourc'hemenn en hini diwezhañ e vez laret ez eo arabat c'hoantaat ar pezh a zo perc'hennet gant hor seblant (Ermaeziadeg 20, 14)).
  • Evit ar vuzulmaned, ar Charia (lezenn islamek) a zo sklaer evel ma lar ar sourat 5, gwerzhennoù 90 hag 91 "Ar gwin, ar c'hoarioù arc'hant, pellait anezho". En hadith e vez kaoz ivez eus ar c'hoarioù arc'hant laret e vez "An hini a c'hoari gant an diñsoù en deus disentet ouzh Doue hag e profed".

C'hoarioù arc'hant lous[kemmañ | kemmañ ar vammenn]

Dorn ar Mafia

Bed ar Mafia a c'hounez kalz arc'hant gant ar c'hoarioù arc'hant. Ar pal a zo da reiñ an tu d'an dud dedennet gant ar c'hoarioù arc'hant el lec'hioù ma z'int difennet da c'hoari. War un tu all e mod all pa vez aotreet el lec'h ar c'hoarioù arc'hant, e vez roet an tu d'an dud difennet dezho da c'hoari da bariañ arc'hant memestra en un hentenn nann ofisiel.

Kuba a zo bet anavezet dre-se rak difennet e oa ar c'hoarioù arc'hant er Stadoù-Unanet, ar c'hoarierien hag ar Mafia a zae neuze eno evit gellet c'hoari ha pariañ arc'hant.