Bergara (armoù-tan)
Bergara zo ur merk karabinennoù ha kanolioù armoù-tan hiniennel euskarat produet gant an embregerezh Dikar S. Coop diazezet e kumun Bergara (Gipuzkoa).
Istor
[kemmañ | kemmañ ar vammenn]Kreñv eo pouez industrielezh an armoù-tan hiniennel en Euskal Herria abaoe un 300 vloaz bennak. Embregerezhioù pe labouradegoù bet brudet evel Llama-Gabilondo hag ar Star (Eibar), Manufacture d'Armes de Bayonne (Baiona) pe Astra (Gernika) a zo aet da get e dibenn an XXvet kantved abalamour da gevezerezh ar broduerien stadunanat.[1] E Bergara e oa en em vodet daou embregerezh armoù-tan e 1980 da broduiñ kanolioù da gentañ, ha karabinennoù war-lerc'h. Dikar S. Coop eo anv ofisiel ar bodad-mañ met Bergara eo anv merk o froduioù.[2] Er bloavezhioù 2010 e krogas da broduiñ un nebeud kanolioù resisted evit unvezhioù ispisial eus ar Marines amerikan.[3] Diwar-se e tapas brud eno hag er bed a-bezh. Kresket eo betek bezañ hiziv an deiz e penn marc'had ar c'harabinennoù-morailh er bed.
350 den a labour evit Bergara hiziv an deiz. Tost da 350.000 arm a vez produet bep bloaz gante. Gwerzhet int en ouzhpenn 40 bro. Pep hini anezhe zo amprouet e eskemmez-amprouiñ Eibar, a zo hini ofisiel stad Spagn.[1]
E penn-kentañ 2023 en deus savet Bergara un is-embregerezh evit gwerzhañ e armoù e Bro-C'hall, BPI Outdoors France e anv. E Pariz emañ e sez sokial hag e Hendaia emañ e vagajenn hag e servijoù goude-gwerzhañ.[1][4]
Produioù
[kemmañ | kemmañ ar vammenn]E-touez karabinennoù nesañ ar merk emañ ar rummad B14 evit ar chase hag ar rummad HMR savet evit ar resisted hag ar sportoù tennañ kentoc'h.
Daveennoù
[kemmañ | kemmañ ar vammenn]- ↑ 1,0 1,1 ha1,2 (fr) ESTIBA Paul, Bergara ou la vitalité basque, TirMag n°26, Meurzh/Mae 2024, pp. 118-121
- ↑ (fr) Qui sommes-nous ? war lec'hienn Bergara (lennet d'ar 01/05/2024)
- ↑ (en) About us war lec'hienn Bergara (lennet d'an 01/05/2024)
- ↑ (fr) Bergara ouvre sa filiale en France e Le Chasseur Français, 27/01/2023 (lennet d'ar 01/05/2024)
