BFM TV

BFM TV
Logo ar chadenn abaoe 2019
Chadenn skinwel
Krouet	D'an 28 a viz Du 2005
Perc'henn	RMC BFM
Lugan	Première sur l’info
Yezh	galleg
Bro orin	Bro-C'hall
Statud	Chadenn brevez vroadel
Chadennoù c'hoar	RMC Découverte, RMC Story, chadennoù BFM Régions, BFM Business, RMC Sport, Tech & Co, BFM2
Lec'hienn	www.bfmtv.com

BFM TV zo ur chadenn skinwel c'hall kelaouiñ diazezet e Pariz. Krouet e oa bet d'an 28 a viz Du 2005, eizh miz goude ma oa bet roet lañs d'ar skignañ TNT. BFM TV zo ivez ur rouedad skinwel gant chadennoù lec'hel e kêrioù brasañ Bro-C'hall.

Ur chadenn brevez digoust eo, perc'hennet gant RMC BFM, skignet dre an TNT, ar fun, al loarell, an IPTV hag ar web. Hervez Médiamétrie eo BFM TV an eil chadenn kelaouiñ sellet ar muiañ e Frañs e miz Du 2024, war-lerc'h CNews.

Aozadur

Sez

Staliet eo sez BFM TV e Pariz er 15vet arondisamant (straed ar jeneral Alain de Boissieu), asambles gant chadennoù all rouedad BFM hag RMC.

BFM Rannvroioù

E miz Du 2016 e oa bet cheñchet anv BFM Business Paris da BFM Paris ha dont a reas da vezañ ur chadenn kelaouiñ lec'hel war dachenn ar rannvro Enez-Frañs^[1].

E miz C’hwevrer 2019 e oa bet krouet ar rouedad « BFM Régions » ent-ofisiel, ha prenet chadennoù all e kêrioù brasañ Bro-C'hall e 2019 a-benn krouiñ chadennoù lec'hel all e Lyon, Lille ha Calais^[2]. Brasaet ha ledanaet eo bet ar rouedad ar bloavezhioù da heul evit tizhout ouzhpenn dek chadenn lec'hel hiziv an deiz :