Atheneum
Athenaeum, pe Athenæum pe Atheneum, zo un anv latin a vez roet hiziv da ensavadurioù pe kelaouennoù a denn ken d'ar skiant, ken d'an arz, ken d'al lennegezh, ken da aozadurioù kelenn.
Orin[kemmañ | kemmañ ar vammenn]
Dont a ra an anv eus hini Athena, doueez ar furnez en Hellaz kozh, gant un dibenn -um a gaver ivez er ger museum, ti ar Muzezed . An anv Atheneum-se a voe roet gant an impalaer roman Hadrian, war-dro ar bloaz 135, d'ar c'hentañ ensavadur kelenn e Roma, ma c'halle retorikourien (yezhadurourien) ha barzhed ober o displegaduurioù, kelennerien gopraet ober prezegennoù e kement tachennad deskadurezh a oa neuze, prederouriezh, ha retorik, yezhadur ha gwir.
Hiziv e talv alies kement ha skol, skol-veur, akademiezh, ensavadur. Roet e vez an anv da c'hoarivaoù, mirdioù, hag ivez da letioù, ostalerioù dre ar bed a-bezh.
E yezhoù all[kemmañ | kemmañ ar vammenn]
- Athenäum a skriver en alamaneg,
- Athenaeum pe Atheneum e saozneg,
- Ateneo e spagnoleg, portugaleg, hag italianeg ,
- Athénée e galleg,
- Atene a vez skrivet gant lod e brezhoneg.
Aozadurioù[kemmañ | kemmañ ar vammenn]
- An Athenæum Illustre a oa egin an Universiteit van Amsterdam, skol-veur Amsterdam e 1632.
- En Belgia, Luxembourg, Suis, Congo-Kinshasa, Rwanda, Burundi, Izelvroioù e vez lavaret atheneum eus skolioù eil derez zo. En Belgia int skolioù direlijiel gallek.
E Bro-C'hall[kemmañ | kemmañ ar vammenn]
- An Théâtre de l'Athénée-Louis-Jouvet zo ur c'hoariva e Pariz.
- Al leti Plaza Athénée, evit ar binvideien e Pariz.
- Al leti Athénée e Cannes
An Ateneo libertario[kemmañ | kemmañ ar vammenn]
E Spagn e veze aozet e pep kêr un Ateneo gant an anarkourien er bloavezhioù 1930. Levraouegoù emveret e oant, kevredigezhioù sevenadurel ha skolioù war un dro.