Ar Falc'herien

Ar Falc'herien zo anv meur a ganaouenn vrezhonek :

Pozioù kanaouenn Filomena Kadored[kemmañ | kemmañ ar vammenn]

1 Kerkent ha gouloù-deiz, Me ’glev ar falc’herien, O youc’hadennoù seder A diston er maeziou, Ken e tregern er pellder Heklev an traoñiennoù.	2 Heol nerzhus miz Even En deus sec’het an trevad ; Ar prajoù, ’vel ar mor bras, Hejet gant an aezhenn, A led dindan an oabl glas O gwagennoù melen.	3 Laouig, ar mevel bras, A voulc’h an troc’h kentañ Hag ar filc’hier didruez A diskar ar bleunioù, En eur renkañ a-gostez Ar foenn e restennoù.	4 Pegen kaer eo gwelet Falc’hadegoù Kerne, Pa vez renket, leun a lorc’h, Betek ugent paotr mat, O kas gante peb a droc’h Ha… daouzek botezad !
5 Gwelet-i, 'kreiz ar prad, Devet gant an heol tomm ; Ar c’hwezadur a ziver, 'Vel ur c’hlizenn vervet… Ar maout a vez gwerzhet ker E bro ar Vretoned.	6 Mard eo kalet ar boan, An enor a vo bras ; A-raok bepred ha buan ! Lemmet ervad, paotred ; Ne glevet ket war an tan Trouz an uiou fritet ?	7 Micher al labourer A zo lemm ha poanius, Met e spered dibreder, ’Vel evnig ar c’hoajoù, A zo dilu ha seder, Pell diouzh fank ar c’hêriou.	8 Poaniet a galon vat, Falc’herien Breizh-Izel, Ha pa deuy taol an Ankoù Da derriñ ho chadenn, Heñvel ouzh bleuñv ar prajoù, C’hwi a varvo laouen.