Annus horribilis

Eus Wikipedia
Mont da : merdeiñ, klask

Annus horribilis zo ur bomm latin a dalv kement ha  bloavezh euzhus , hag a zo bet distaget d'ar 24 a viz Du 1992, pa oa o lidañ 40vet deiz-ha-bloaz he donedigezh da rouanez, gant Elesbed II Bro-Saoz da zisplegañ petra he doa bevet a-hed a bloavezh a oa war-nes echuiñ.[1]

[...] 1992 is not a year on which I shall look back with undiluted pleasure. In the words of one of my more sympathetic correspondents, it has turned out to be an Annus Horribilis. [...]

 [...] N'eus ket eus 1992 ur bloavezh a gounain gant plijadur digemmesk. Da lavaret unan eus ma c'henskriverien hegaratoc'h, ez eo deuet da vezañ un Annus Horribilis. [...] 

Un dasson e oa ar bomm-se eus ur bomm all, Annus mirabilis, anv ur varzhoneg gant John Dryden diwar-benn ar bloavezh 1666.

Dre fent e veze kemmet gant farserien ar ger annus en  anus  ("fraezh").

Kofi Annan[kemmañ | kemmañ ar vammenn]

Adimplijet eo bet ar bomm gant Kofi Annan d'an 21 a viz Kerzu 2004[2] :

There's no doubt that this has been a particularly difficult year, and I am relieved that this annus horribilis is coming to an end.

 Hep mar ez eo bet ar bloavezh-mañ unan eus ar re ziaesañ, ha disammet on p'emañ an annus horribilis-se o tostaat d'un diwezh. 

Juan Carlos I[kemmañ | kemmañ ar vammenn]

Juan Carlos de Borbón, roue Spagn, a vevas ur taer a vloavezh 2007, a voe lakaet da annus horribilis gant kelouennoù Spagn ar mare.[3]

Notennoù[kemmañ | kemmañ ar vammenn]

  1. Prezegenn ar rouanez (en)
  2. RadioFranceInternational (fr)
  3. La Nación, 16/11/2007 (es)