Anatoliy Karpov

Eus Wikipedia
Sauter à la navigation Sauter à la recherche
A. Karpov

Anatoliy Yevgenyevitch Karpov (e ruseg: Анатолий Евгеньевич Карпов) a zo bet ganet d'an 23 a viz Mae 1951 e Zlatoust (Unaniezh Soviedel).

Mestrc'hoarier echedoù rusian ha soviedat, bet kampion ar bed.

Da bevar bloaz e krogas gant an echedoù. Da zaouzek vloaz e voe degemeret e skol brudet-kenañ Mikhail Botvinnik. Hemañ ne wele dazont ebet en echedoù gant ar paotr yaouank a zeuas buan da vout ar mestr yaouankañ eus an Unaniezh Soviedel a-raok bout trec'h en e gentañ tournamant etrebrodel un nebeud mizioù diwezhatoc'h. E 1967 e voe 5vet er C'hampionad Soviedel Junior; un nebeud mizioù goude e voe trec'h e Kampionad Europa. E 1969 e trec'has er C'hampionad Bed Junior gant 10 poent diwar 11. Un tammig war-lerc'h e kemeras ar 4vet plas e tournamant etrebroadel Caracas e Venezuela, o tont da vezañ ar Mestr Meur yaouankañ ag ar bed.

Dont a reas kampion ar bed e 1975 dre ma voe nac'het c'hoari gant Bobby Fischer. Trec'h e oa bet Karpov war Boris Spassky ha Viktor Korchnoi en tournamant prientiñ a-raok kampionad ar bed. E 1976 hag e 1981 e viras e didl a-enep da Viktor Korchnoi. E 1985 e kollas e didl kampion ar bed a-enep da Garry Kasparov.

Unan ag ar brasañ c'hoarierion ag an istor eo, dreist-holl abalamour d'e berzh en tournamantoù: 140 gwezh e teuas ar maout gantañ e tournamantoù brudet. Adalek 1978 betek 1998 en doa kemeret perzh e kement tro eus ar C'hampionad bedel FIDE. War e rollad: 1118 trec'hadenn, 287 partienn bet kollet ha 1480 partienn nul diwar un hollad a 3163 partienn bet c'hoariet. Ar renk Elo bet tizhet gantañ eo 2780.

Oberennoù skrivet[kemmañ | kemmañ ar vammenn]

e galleg[kemmañ | kemmañ ar vammenn]

  • Anatoliy Karpov, Parties choisies, 1969-1979, ed. du progrès (Moscou), 1981
  • Anatoliy Karpov, Mes meilleures parties, mes analyses, mes commentaires, Embannadurioù Garnier, 1982
  • Anatoliy Karpov, Des échecs à l'infini, Embannadurioù Grasset, 1984 ;
  • Anatoliy Karpov, Comment jouer les débuts semi-fermés, Embannadurioù A. Colin, 1992 ;
  • Anatoliy Karpov, Comment jouer les débuts semi-ouverts, Embannadurioù A. Colin, 1992 ;
  • Anatoliy Karpov, La défense Grünfeld, Embannadurioù A. Colin, 1992 ;
  • Anatoliy Karpov, La partie espagnole, Embannadurioù A. Colin, 1992 ;
  • Anatoliy Karpov, La défense Pétroff - partie russe, Embannadurioù A. Colin, 1992 ;
  • Anatoliy Karpov, Mes plus belles victoires (1969-1994), Embannadurioù Economica, 1996 .

e rusianeg[kemmañ | kemmañ ar vammenn]

  • А. Е. Карпов, Сто победных партий (100 partienn bet gounezet), Fizikoultoura i sport, 1984 ;
  • А. Е. Карпов (гл. ред.), Шахматы энциклопедический словарь (Geriadur hollouiezegel an echedoù), Советская энциклопедия, Москва, 1990, ISBN 5-85270-005-3 .

e saozneg[kemmañ | kemmañ ar vammenn]

  • Chess at the top, (1979-1984), 1984 ;
  • The closed openings in action, Batsford, 1987 .

Liammoù diavaez[kemmañ | kemmañ ar vammenn]