Ana Sohier
| Reizh pe jener | plac'h  |
|---|---|
| Bro ar geodedouriezh | Frañs |
| Anv-bihan | Ana |
| Anv-familh | Sohier |
| Deiziad ganedigezh | 16 Mae 1982 |
| Lec'h ganedigezh | Sant-Nikolaz-ar-Pelem |
| Yezhoù komzet pe skrivet | galleg, brezhoneg |
| Micher | politiker |
| Karg | kuzulier-kêr Roazhon, kuzulier rannvro Breizh |
| Strollad politikel | Unvaniezh Demokratel Breizh |
Ana Sohier, ganet d'ar 16 Mae 1982, eus Botoha, e kumun Sant-Nikolaz-ar-Pelem, a zo ezelez eus Unvaniezh Demokratel Breizh ha bet kuzulierez-kêr e Roazhon eus 2008 da 2020.
An dilennadez
[kemmañ | kemmañ ar vammenn]E 2008 e voe dilennet e kuzul-kêr Roazhon, war listenn an tu kleiz, Daniel Delaveau en he fenn. Anvet e voe dileuriadez evit ar Glad sevenadurel dizanvezel, an hini gentañ gant an titl-se er c’hwec’hkogn.
E 2014 e voe addilennet war listenn an tu-kleiz, Nathalie Appéré en he fenn ar wech-se. Dont a reas da vezañ kuzulierez Roazhon Meurgêr war andro. Roet e voe da garg dezhi ar politikerezh yezh hag ar glad.
Ar stourmerez
[kemmañ | kemmañ ar vammenn]Ezelez eo eus Burev politikel Unvaniezh Demokratel Breizh. E 2014 e oa sekretourez ar Burev politikel, hag e 2015 e sammas karg an dilennadegoù. Labourat a reas neuze da brientiñ an dilennadegoù-rannvro, o skoulmañ un emglev etre he strollad hag hini Kristian Troadeg. E 2021 e labouras adarre da brientiñ an dilennadegoù-rannvro o skoulmañ un emglev gant Europa-Ekologiezh Ar Re C'hlas Breizh hag Asambles war hon tiriadoù, da sevel ul listenn anvet Dazont Breizh.
Dilennet e voe e Kuzul-rannvro Breizh e 2021, en tu-enep. Ezelez eo eus ar strollad-dilennidi Breizh a-gleiz - emrenerezh, ekologiezh, broioù.
An istorourez
[kemmañ | kemmañ ar vammenn]Savet he deus ul levr istor e galleg gant he zad Michel Sohier, diazezer Mirdi ar Skolioù war ar Maez e Botoha, e 1994.
Levrlennadur
[kemmañ | kemmañ ar vammenn]- Ana Sohier, Michel Sohier, Tu seras soldat, L'enfant et la guerre à l'école primaire, 1871-1918, Musée rural de l'éducation dans les Côtes d'Armor, Botoha, Sant-Nikolaz-ar-Pelem, 2008.