Alexander Robertson
Alexander Robertson (Mòine Muiseig, 1772 – New York, 1841) a oa un treser, ul livour stadunanat a orin skosat.
Buhez
[kemmañ | kemmañ ar vammenn]Ganet e oa bet A. Robertson e Mòine Muiseig (Monymusk), Siorrachd Obar Dheathain (Aberdeenshire) e 1772, mab d'un treser ha tisavour.
An arzoù a studias e Bro-Skos a-raok kenderc'hel gant e studi er Royal Academy of Art e London[1] ha mont war ar vicher a c'harskeudennaouer poltredoù ha dremmvroioù[2]. Gant e vreudeur Archibald hag Andrew e kenlabouras evit engravañ lod eus e oberennoù[3]
E 1791 e voe pedet Archibald da gelenn an arzoù en SUA ; bloaz goude ec'h eas Alexander da gelenn gantañ. En dekvloaziad-se e stalias an daou vreur an aozadur Columbian Academy of Painting e New York, unan eus ar skolioù kentañ evit an arzourien en SUA. Ur vaouez a oa e-touez an deskarded, ar c'harskeudennaouerez Ann Hall[2].
E-tro ar bloaz 1800 e tresas Alexander Robertson ur skeudenn eus Mount Vernon e Virginia, a voe engravet gant ar Saoz Francis Jukes (1745-1812).
-
Mount Vernon, engravet ha livet gant F. Jukes, ~1800
E 1802, oadet a 30 vloaz, e tigoras Alexander Robertson e skol arzoù[2][3]
Diskouez a reas oberennoù en National Academy of the Fine Arts e New York ; da gadoriad an aozadur e voe dilennet e 1816[2][3]. E 1821 e voe ezel a enor eus Academy of Fine Arts South Carolina[2].
E New York e varvas Alexander Robertson e 1841, oadet a 69 bloaz.
-
New York from Hobuck, 1796 -
Distant View of New York City with Hobuck Ferry House on the Left, ~1841
Levrlennadur
[kemmañ | kemmañ ar vammenn]- (en) Avery, Kevin J.. American Drawings and Watercolors in the Metropolitan Museum of Art, Volume 1. New York : Metropolitan Museum of Art, 2002 (ISBN 978-1-58839-060-8)
- (en) Dunlap, William (1918). A History of the Rise and Progress of the Arts of Design in the United States'. New York : BiblioBazaar, 2009 (ISBN 978-1-116-26664-1)
