A Little Pond
| 작은 연못 A Little Pond | |
 Skeudenn eus ar film "A Little Pond". | |
|---|---|
| Filmdata | |
| Titl orin | 작은 연못 A Little Pond |
| Bro produiñ |  Republik Korea
|
| Deuet er-maez | 12 a viz Here 2009 |
| Yezh orin | Korean |
| Padelezh (PAL-DVD) : | 86 munutenn |
| Pare | |
| Filmaozer | Lee Saang-woo |
| Produer | Lee Eun Lee Woo-jung |
| Skrivagner | Charles J. Hanley Sang-Hun Choe Martha Mendoza |
| Frammer | Choi Jin-woong |
| Aktourien | |
|
Lee Sung-min | |
|
Daneveller : Lee Saang-woo | |
| Liammoù diavaez | |
kemmañ  |
|
A Little Pond (Hangul : 작은 연못 Jakeun yeonmot, "Ur poullig-dour") zo ur film brezel-drama sukorean embannet e 2009, skrivet ha sevenet gant Lee Saang-woo.
Ar film a gont darvoud lazhadeg No Gun Ri, pa oa bet lazhet repuidi sukorean gant soudarded stadunanat e No Gun Ri e fin miz Gouhere 1950, e-penn kentañ Brezel Korea. An holl aktourien o deus bet c'hoariet a-youl-vat, e-touez anezho reoù brudet-mat er sinema sukorean.
Savet eo bet ar senario diwar testenioù tud hag a oa chomet bev goude al lazhadeg. En desped da se, an holl dudennoù a zo bet ijinet.
Istor
[kemmañ | kemmañ ar vammenn]Kregiñ a ra ar film gant un devezh boas en ur gêriadennig korean o vevañ doare mod kozh. Emañ ar vugale o c'hoari, ar wazed astennet tro-dro da c'hoarioù taol. Ur c'helenner yaouank zo o teskiñ ur ganaouenn d'ar skolidi evit ma vo kanet e-pad ur sonadeg. Siwazh dezho, an talbenn hag a oa pell dioute abaoe sizhunvezhioù goude deroù Brezel Korea a erru trumm p' emañ al lu sukorean o kilañ, bountet kreñv gant nerzhioù Norzhkorea.
Stadoù-Unanet Amerika n'o devoa ket kaset soudarded a-walc'h o tont eus Japan evit harpañ Sukorea. Gant ma oa an difennerien o kilañ, lod eus ar soudarded stadunanat a roas an urzh da annezidi ar gêriadenn da dec'hout kuit war-zu ar su. E-tro 500 anezho a varvas war hent an harlu.