12 Angry Men (film)

12 Angry Men

film

Rann eus	National Film Registry
Titl	12 Angry Men
Assessment	Test Bechdel, reverse Bechdel Test
Diazezet war	Twelve Angry Men
Danvez pennañ	kastiz ar marv, jury trial, distinction
Tachenn	film dramael, trial film, huis-clos film
Aozer	Reginald Rose
Deiziad embann	10 Ebr 1957
Bro orin	Stadoù-Unanet
Yezh orin ar film pe an abadenn skinwel	saozneg
Darvoud-alc'hwez	principal photography, principal photography
Sevener	Sidney Lumet
Senarioour	Reginald Rose
Rener ar skeudennaouiñ	Boris Kaufman
Frammer filmoù	Carl Lerner
Sonaozer	Kenyon Hopkins
Produer	Henry Fonda, Reginald Rose
Dasparzher	MOKÉP, Netflix
Lec'h an istor	Manhattan
Lec'h filmañ	Stadoù-Unanet
Aspect ratio (W:H)	1.85:1
Liv	gwenn-ha-du
Notenn ar varnouriezh	4/4, 9.0/10, 9.1/10, 100%, 97/100
Prizioù resevet	Arzh Aour, Grand Prix, National Board of Review: Top Ten Films, BAFTA Award for Best Foreign Actor
Diaz embann	video diwar c’houlenn, embann video en ti, embann er sinema, skignañ
Australian Classification	G
Renkadur BBFC	U certificate
Renkadur ClassInd	14
Renkadur ar CNC	holl bublik
Renkadur EIRIN film	G
Renkadur FSK	FSK 12
Renkadur Kijkwijzer	12
KMRB film rating	15
Dezverket dre	titl e Bro-Spagn, titl evit Amerika spagnolek
IGAC rating	M/12
Renkadur Medierådet	12 vloaz pe ouzhpenn
KAVI rating	S

 

 Eus Wikidata

Tañvaenn orin 12 Angry Men.

12 Angry Men (12 Den Droug enne e brezhoneg) zo ur film saoznek, sevenet e gwenn ha du gant ar filmaozour stadunanat Sidney Lumet e 1957.

Kentañ film savet gant Lumet evit ar sinema e oa, deuet e-maez a-raok Stage Struck (miz Ebrel 1958).

Fichenn deknikel

• Doare : drama
• Skoazeller-sevener : Donald Kranze
• Senario : Reginald Rose, azasaet diwar e bezh-c'hoari 12 Angry Men savet evit ar skinwel (miz Gwengolo 1954)
• Kevredad produiñ : Orion-Nova Productions
• Produourien : Henry Fonda ha Reginald Rose
• Kevredad dasparzhañ : United Artists
• Rener ar skeudenniñ : Boris Kaufman
• Ijinour ar son : James A. Gleason
• Aozer ar sonerezh orin : Kenyon Hopkins
• Farder : Herman Buchman
• Frammer : Carl Lerner
• Skriptourez : Faith Elliott
• Prantad filmañ : adalek ar 25 a viz Mezheven 1956
• Lec'hioù filmañ : New York County Courthouse ha studioioù Fox Movietone e New York
• Deiziadoù dont e-maez : 10 a viz Ebrel (Los Angeles (Kalifornia)), 13 a viz Ebrel 1957 (New York)
• Padelezh : 96'

An danvez

En un tu bennak e Stadoù-Unanet Amerika. Tamallet eo ur paotr yaouank da vezañ lazhet e dad a daolioù kontell en e ranndi ha fiziet en ur juri a zaouzek den e varn. Da-heul ar votadeg kentañ e tiskouez an toued niverenn 8, tisavour diouzh e vicher, kaout douetañs diouzh kablusted an tamallad yaouank. Ma van e-unan-penn rak an douidi all a glask ober dezhañ cheñch e veno evit ma vo kemeret an diviz mat a-unvouezh, evel m'eo dleet.

Padal, dre forzh arguziñ ouzh an testeni-mañ-testeni ha lakaat war wel diwirheñvelded ar brouenn-mañ-prouenn e teu a-benn an eizhvet toued da cheñch penn d'ar vazh o kendrec'hiñ e gendouidi, an eil war-lerc'h egile.

M'eo didamallet ar paotr yaouank a-barzh fin ar gont, goude eurvezhioù a dabutoù lakaet garv ha faezhus abalamour d'an amzer douforek o ren e-barzh ar sal kement hag er-maez anezhi. Echuiñ a ra ar film pa guita an douidi al lez-varn : torret eo d'ar glav arnevek ha ne oar ket Yann Arvester ha kablus e oa ar paotr yaouank pe get.

Roll ar gomedianed

• Henry Fonda : an eizhvet toued
• Lee J. Cobb : an trivet toued
• E.G. Marshall : ar pevarvet toued
• Jack Warden : ar seizhvet toued
• Martin Balsam : ar c'hentañ toued
• Ed Begley : an dekvet toued
• John Fiedler : an eil toued
• Jack Klugman : ar pempvet toued
• Edward Binns : ar c'hwec'hvet toued
• Joseph Sweeney : an navvet toued
• George Voskovec : an unnekvet toued (horolajer diouzh e vicher)
• Robert Webber : an daouzekvet toued (bruder diouzh e vicher)
• Rudy Bond : ar aotrou barner
• James Kelly : ar gward
• Billy Nelson : ar grefier
• John Savoca : an tamallad
• Walter Stocker : an den o c'hortoz ar bignerez

N'eo nemet e dibenn ar film e vez roet da Yann Arvester da anavezout anv-familh daou eus an douidi pa gimiad an eil diouzh egile : an aotrou Davis (8vet toued) hag an aotrou MacCardle (9vet toued), da lâret eo an daou zen kentañ o devoa dibabet didamall ar paotr yaouank en abeg d'o douetañsoù.

Skrivañ a c'heller ez eo pouezus-kenañ ar roll a zalc'h Henry Fonda er film dre ma teu a-benn e dudenn da gendrec'hiñ an douidi all d'e savboent a-barzh fin ar gont. Fentus eo stadañ en devoa c'hoariet Fonda roll un den tamallet e gaou e The Wrong Man (deuet e-maez e miz Kerzu 1956) gant Alfred Hitchcock.

Goproù

Oskar ebet gant 12 Angry Men rak rastellet e voe prizioù Akademiezh Arzoù ha Skiantoù ar Fiñvskeudenniñ gant ur film all, The Bridge on the River Kwai, e miz Meurzh 1958.

Tapout a reas Arzh Aour (Goldener Bär en alamaneg) ar gwellañ film hir da-geñver Internationale Filmfestspiele Berlin en hañv 1957 koulskoude.

Liammoù diavaez

• 12 Angry Men war Internet Movie Database